每個月老公都會帶我食一次放題，咁又點可以頂得住我對日本同日本嘢嘅情懷呀？而家因為疫情，又冇得去旅行，所以我會成日上網睇吓人哋嘅介紹，睇吓邊間好食，就會叫佢帶我去食。🥰🥰🥰 今次比我發現呢一間日本嘢，人人都係佢d嘢新鮮好食，特別佢嘅茶碗蒸，老公又鐘意食，所以接佢收工一齊去試吓，睇吓係唔係真係咁正先？人講係冇用，真係要自己去試嫁！🤗🤗🤗 @長阪燒 地址：旺角砵蘭街189號2樓 點擊圖片放大 +4 麵鼓湯 一d都唔鹹，清清哋，有滑豆腐同海帶，其他地方果d我只會飲一啖，因為太鹹，而佢嘅我就good good 聲一次過飲晒。😁😁😁 是日小食 x 和風沙律 小食係希靈魚，佢同沙律分開上，經理哥哥話可以撈埋一齊食或者分開食，但最後都係比我撈埋一齊食，因為個和風沙律汁連希靈魚加沙律菜一齊食，令到希靈魚更好食。😄😄😄 壽司拼盤（自拼散叫） 京葱三文魚，醋鯖魚，赤蝦，葱粒吞拿魚茸軍艦，花之卷，佢嘅壽司飯同出面唔同，係黃黃哋色，好香，好好味，而佢嘅用料真係好新鮮同鮮甜，特別係醋鯖魚，大家去到一定要試吓。😃😃😃 炸蝦天婦羅烏冬 天婦羅即炸嫁，炸䊢好薄又脆，上到枱仲好熱辣辣，最重要係乜？唔會好油，烏冬好彈牙同好滑，湯底鮮甜，如果湯多少少會仲好。😝😝😝 燒雞扒溫泉蛋丼 嘩！呢個不得了，老公讚不絕口，個流心蛋震騰騰，一篤穿蛋黃慢慢流出嚟，睇到都好自癒，而雞扒簡直係外脆內嫩，配埋佢個燒汁同飯一齊食，簡直一絕，我都係食咗一羹加一件雞扒，我老公自己食晒呀！🙈🙈🙈 點擊圖片放大 茶碗蒸 我最大期望嘅茶碗蒸出場啦！我乜都唔理，一定要試吓先，（因為平時我一定唔會叫嘅嘢，只係老公鐘意食，佢叫佢食）我食咗一啖之後，真係可以令到我改觀，因為佢唔會過甜，我好怕食甜味嘅蛋，而佢蒸好就即刻上枱，熱辣辣，蛋超滑（仲震騰騰），味道超鮮甜，裏面仲有蝦肉，好滑嘅雞肉同冬菇，真係好好味。👍👍👍 炸雞軟骨 外脆內軟，味道適中，送酒一流。😀😀😀 芝麻雞翼 因為我掛住食茶碗蒸，我冷落咗佢，所以最後先食佢，雖然凍咗，但佢外皮仲好脆，唔會淋晒，一咬落仲有肉汁流出嚟，雞肉嫩滑。😗😗😗 整體上，呢一餐真係唔錯，我都幾滿意，可能我哋下午3點到，餐廳冇乜人，員工開始用餐，但佢哋都不停為我哋服務，我哋每食完一碟，佢哋都會過嚟幫我哋收嘢，服務真係一流。😊😊😊 整體評分：85分 我會為大家帶黎煮食、食譜、飲食同資訊分享比大家，請多多支持🥰🥰🥰 記得追蹤我嘅facebook 同 IG 專頁呀！ FB: https://www.facebook.com/winnieandlife IG: https://www.instagram.com/winnie_winnie21 UBlog: https://blog.ulifestyle.com.hk/winnieleung21 #長阪燒 #日本嘢 #日本菜 #壽司 #刺身 #旺角 #日本 #茶碗蒸 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
