早幾日，去接老公收工，跟住我哋去葵涌廣場行咗一陣，比老公發現呢個魔鬼辣椒杯麵，有成100萬辣度，我見到真係有心動想買返屋企挑戰吓，但見到個價錢我就即刻縮沙。🙈🙈🙈最後，老公就堅持買，我明知佢食唔到，但佢用佢想試呢個借口買，講真，佢估我真係唔知咩？佢都係買比我食。🥰🥰🥰媽咪重辣雞肉味（乾拌杯麵）$30產地：馬來西亞 含重量：共重80g， 麵重：60g，醬料：20g 杯麵外形已經唔係大杯，一打開，入面乜都冇，連脫水配菜包都冇，只得一個好細嘅麵同一包醬料，個麵仲要係黑色，我初時以為係d醬先令到個麵黑色。😆😆😆加入熱水等4分鐘就可以倒水，但係倒水方面又係一個做得不足嘅地方，佢完全冇任可倒水口，根據佢嘅指示，係要係杯麵開口嘅另一邊，用隻叉自己拮幾個窿用嚟倒水，跟住就落醬料，起初我只落了一半試一試先，我還好還可以接受，之後就再逐d逐d咁加，坦白講味道方面係有少少甜辣嘅感覺，有少少似韓國嘅火雞麵，但唔知點解，我食到有d燶味，所以我個人唔太鐘意嘅。🤔🤔🤔我記得我食過一次13x萬度嘅辣椒粉，係可以令到我打（思肊），今次就差d都打咗，係未打得出嘅。食得辣嘅朋友，又想挑戰自己食辣嘅程度，可以不妨一試。😝😝😝整體評分：60分 （啱啱合格）我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#媽咪重辣雞肉味 #乾拌杯麵 #杯麵 #馬來西亞 #產地 #杯麵 #100萬 #魔鬼辣椒 #挑戰 #葵涌廣場 #葵芳 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
