老公收工專登去沙田買左盒曲奇返嚟，仲話我應該會好鐘意食，我問佢係乜曲奇呀？我會鐘意食？因為我唔太鐘意食甜嘢，所以一直對曲奇都冇乜好感，既然係老公專登買返嚟比我試，點都要試吓嘅。🥰🥰🥰一打開，曲奇罐真係好靚，好有心思，仲要香港製造，但最特別嘅係佢係辣味曲奇，我未食前，心諗今次大獲啦！會唔會好食嫁？點都好啦！我老公咁錫我，咁就開伏就開伏啦！🙈🙈🙈Bravo Cookies 吾好港嘢 XO香辣脆蝦曲奇好香XO醬同蝦嘅味道，曲奇超鬆脆，食落鹹鹹甜甜咁，好輕微嘅辣味，但XO醬味就超出色，曲奇上面仲有脆蝦乾，再增加咗成塊曲奇嘅口感，老公就最鍾意。😋😋😋 XO秘制麻辣曲奇曲奇同樣超鬆脆，都係鹹鹹甜甜咁，曲奇入面有d花椒八角碎，完全唔會影響口感外，仲增添咗香味，開頭食落唔覺得佢係辣嘅，食完就回甘好勁，辣味慢慢滲出嚟，如果完全唔食得辣嘅朋友，就真係慢慢食，唔好一塊放晒入口啦！🤗🤗🤗 整體評分：78分 曲奇係我心目中只有牛油同朱古力味，仲要好甜，真係冇諗過可以做到辣味，開頭見到，坦白講，真係有d怕，但真係估唔到味道又夾到，仲要幾好食添，大家不妨可以試一試。😆😆😆我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#BravoCookies #唔好港嘢 #沙田 #香港製造 #曲奇 #辣味曲奇 #XO醬脆蝦曲奇 #XO秘制麻辣曲奇 #開伏 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
