鼠年最後一日，當然要出街最後衝刺辦年貨，但點都要醫飽個肚先有氣有力去掃貨，所以就係附近見到呢間餐廳都算多人等位，咁就心諗，應該唔差，所以就去試一試。🤣🤣🤣WM Café & Bar (八號花園)地址：大埔安慈路2號八號花園地下20號舖 忌廉龍蝦湯好濃嘅龍蝦味，好香，唔腥，好creamy。😃😃😃 WM 超級素扒漢堡配薯條 $69素扒漢堡做得好有誠意，有好多紅腰豆，雖然係豆類整成，但真係好似食緊肉類漢堡扒咁，完全唔覺得自己食緊素嘅漢堡扒。😋😋😋 烤燒西蘭肉眼扒配紅酒燒汁薯菜 $77上菜時，我同隔離枱嘅唔識嘅哥哥都不禁嘩咗一聲，講真塊扒真係超大塊，隻碟已經好大隻，最估唔到嘅係塊扒差唔多成隻碟咁大，我叫咗7成熟，扒就真係好肉嫩，好juicy，咁嘅價錢，有咁嘅份量，食落仲要唔差，薯條仲要熱辣辣，真係超抵食，一個人真係食唔晒。😊😊😊點擊圖片放大 熱情果菠蘿梳打 +$18唔會太甜，好香熱情果同菠蘿味加埋梳打，真係幾好味。😃😃😃 Caffe Mocha +$12好香濃朱古力味，反而咖啡味就淡咗少少，但整體嚟講，呢杯都ok嘅。😆😆😆 藍莓芝士餅 +$12成件芝士餅面滿滿藍莓醬，我心諗，大件事啦，一定甜死啦！點知食落又完全兩回事喎，因為芝士餅帶有檸檬味，有酸酸甜甜嘅感覺，加埋佢嘅藍莓醬又唔會好甜，成件甜品嘅效果夾起上嚟，真係好好味。🤗🤗🤗 整體評分：75分我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#WMCafe&Bar #大埔 #抵食夾大件 #年三十晚 #辦年貨 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #food #hkfoodblog #hkfoodies #hkeats
