呢排真係食好多燒肉，屋企又燒，出街又燒，講真真係食到有d怕，係唔係好出奇，咁點解我仲介紹呢一間呢？講真呢一間唔單止肉類真係出色，就連配菜都好出色，所以先介紹比大家。🤗🤗🤗柞木炭家地址: 旺角彌敦道700號T.O.P This is Our Place 5樓501號舖王道套餐(2人用) 配菜：係任食嫁，食完可以叫服務姐姐幫手添加，泡菜就係枱上，食幾多就夾幾多出嚟食。講真，佢嘅紫菜蛋卷又真係幾好食嘅。😀😀😀點擊圖片放大 前菜：大醬蘿蔔牛舌 - 韓式風味的大醬燜煮牛舌、蘿蔔同南瓜。牛舌極有牛味，咬落口感豐富，淋而不梅，肉汁豐富，充滿大醬燜煮蘿蔔同南瓜非常入味，套餐包咗一碗飯，用呢個醬汁撈飯簡直一流，絕對要試！😋😋😋 燒肉：韓牛牛肩肉 - 脂肪含量較多，肉質鮮嫩又有香濃牛肉味。😚😚😚和牛牛胸腹肉 - 其實係牛五花，油脂較多，牛味濃，用嚟燒烤真係一流，呢個真得推介。😄😄😄 和牛牛板腱肉 - 肉質結實，筋會比較多，啱晒我鐘意食筋多嘅牛嘅我，所以呢個係我最鐘意。😍😍😍方切和牛 - 呢個係偏瘦，切到方型咁，食落大小適中。😃😃😃 黑毛豬五花肉 - 真係不得了，真係五層肉，有一層皮一層肥一層肉，再加上佢嘅特制嘅醬汁，燒完食落口，簡直完美同豐富，連平時唔太食豬嘅我，我都覺得好食。😆😆😆 海鮮紅蝦配大墨魚紅蝦開邊，去腸，好細心，夠彈牙，大墨魚超爽口，冇諗過燒完都可以咁正。😀😀😀 海鮮豆腐湯超多料，有蝦、有蜆、有青口、有金菇、有蛋、仲有超滑既豆腐，嚟到時熱辣辣，真係好啱而家呢個涼涼地嘅天氣飲。😃😃😃 甜品：楓糖蛋糕 - 食完咁多味濃野，係要食返少少甜品去平行返，講真，我一向唔鐘意太甜，蛋糕我鐘意嘅，如果楓糖可以由客人自己加會更好。😂😂😂 飲品 : 菠蘿梳打，荔枝梳打 - 兩杯甜度啱啱好，食燒肉當然最好就係配梳打啦！邊燒邊飲，真係最爽。🙂🙂🙂 額外附送：韓燒和牛西冷一份 - 服務員哥哥幫我哋上枱時，我見到有兩粒飯，一碟醬油上面有隻生蛋黃，再加兩塊牛西冷同一粒牛脂肪，我真係成個大鄉里咁問哥哥應該點食，佢就教我哋先打散蛋黃，係網上燒下牛脂肪，跟住放西冷燒每面10秒，就可以點蛋汁同醬油，跟住直接卷住粒飯就食得，嘩！真係好好味，醬油同蛋汁超夾，加埋西冷超好味，呢個一定要試，真心推介。👍👍👍 整體評分：83分我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#thecharcoalroomhk #koreancuisine #koreanbbq #柞木炭家 #柞木 #韓國菜 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
