南豐沙廠就聽得多，今次我都係第一次去，估唔到裏面裝修簡約得嚟又時尚，最令我喜出望外嘅係原來呢個商場可以帶狗狗入內，真係不禁令我諗起屋企隻狗狗，我下次一定要帶埋佢嚟行，郁動吓先得。🐕🐕🐕商場內有好多商鋪，亦有d可以自制手作嘅鋪頭，食市仍不少，所以我哋精心挑選咁揀咗以下嘅餐廳食吓嘢同休息吓。🤗🤗🤗KoKo Coffee Roasters地址：荃灣白田壩街45號南豐紗廠六廠地下G09號舖 Passion fruit Danish $26好香百香果醬，酸酸甜甜，中間再有吉士，上面有杏仁片同開心果碎，再配上好香牛油味嘅丹麥酥底，真係超好味，真可以食唔停口。😋😋😋 Koko手打牛肉漢堡 $128手打牛肉好軟綿，好厚，唔會好實的的，混合洋蔥，真係好香，牛味好濃，漢堡仲配有生菜，蕃茄片，酸青瓜同埋芝士，食落唔會油膩，成個食晒都完全冇問題。😍😍😍 三重芝士焗肉丸（牛&豬）$78嘩，呢個真係不得了，肉丸超級大粒，真係大粒過牛肉球呀！三重芝士又不得了，真係超強勁嘅拉絲，唔係，唔可以話拉絲，簡直係芝士瀑布呀！配上特制醬汁，真係超好味。😱😱😱點擊圖片放大 Iced Mocha $44由濃縮咖啡，奶沬，再加多少少朱古力而成，完全唔會過甜同過苦，咖啡味香濃，奶沬夠滑，真係好適合我。😃😃😃 Chocolate $44超濃嘅熱朱古力，好濃，好香又好滑，佢肉嘅朱古力濃度好高，飲落有d似黑朱古力嘅味道，又唔會太甜，大家可以一試。😀😀😀 講真，真係食得晒先好叫，因為佢嘅三重芝士焗肉丸太大粒，而且仲有7粒咁多，兩個人真係食唔晒，食唔晒都好，千萬唔好怕醜，記得打包返屋企食，千萬唔好做大嘥鬼呀。👻👻👻 整體評分：81分我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#KOKOCoffeeRoaster #荃灣 #南豐沙廠 #毛孩 #狗狗 #打卡 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
