老公近排成日擔心我，因為呢排我嘅情緒已經失控嘅我，心情超差，佢為咗我，所以放假就成日帶我去我之前講過要去嘅地方。🥰🥰🥰 呢個地方，早一、兩年已經好想去，但每當我一諗起為咗食一碗粉專登過去，我又唔識搵，咁就完全冇動力去啦！🙈🙈🙈 流記香港仔艇仔粉 地址: 香港仔海傍道香港仔海濱公園 / 鴨脷洲碼頭 電話: 91402628 一般開檔時間：上午10：00 - 下午4：00 艇仔粉所有粉麵都艇上即叫即煮，跟住岸上食（即係公園食或外賣），係公園食仲可以欣賞香港仔獨有風景添😍😍😍 湯底用大地魚做湯底，湯底夠晒清夠晒鮮，十分鮮甜又唔腥，真係正到暈，完全比我飲晒d湯🤣🤣🤣。 我哋叫左雜錦麵 $30，有魚蛋，燒鴨，叉燒，菜，仲可以配米粉、瀬粉、河粉同麵，今次我就叫咗瀬粉，佢嘅瀬粉同平時食嘅好唔同，比較幼身，有d似米線，好滑，口感超正👍👍👍。 要食艇仔粉記得當日先打電話問下叔叔會唔會開檔同位置，當我香港仔海傍後找不到就再致打比叔叔，先知佢原來係鴨脷洲碼頭，所以果日就可以搭埋香港仔特色海上交通工具去鴨脷洲搵叔叔，因為得叔叔一個人做，而幫襯佢嘅人流都比較多，所以大家要耐心等候。😚😚😚 整體評級：85分 點擊圖片放大 +2 我會為大家帶黎煮食、食譜、飲食同資訊分享比大家，請多多支持🥰🥰🥰 記得追蹤我嘅facebook 同 IG 專頁呀！ FB: https://www.facebook.com/winnieandlife IG: https://www.instagram.com/winnie_winnie21 UBlog: https://blog.ulifestyle.com.hk/winnieleung21 #香港仔 #飲食 #香港仔美食 #香港美食 #艇仔粉 #流記艇仔粉 #燒鴨 #叉燒 #支持小店 #支持用心經營 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
