好耐冇去過灣仔同銅鑼灣啦，咁啱老公放假，我哋就去行吓Shopping吓同搵食啦！呢排可能轉凍，成日都好想食d熱辣辣嘅嘢，我哋去到百樂中心，見到成棟大廈都係食嘢，有選擇困難症嘅我，真係唔知食乜好，左睇右睇之際，比我見到間冇餐廳名，只係話比人知食乜嘅餐廳，我見咁特別，所以就提意去果間試下啦！🤩🤩🤩@吉列牛忌廉烏冬專門店 (百樂中心)地址：銅鑼灣耀華街3號百樂中心22樓 套餐2 吉列牛定食🐂🐂🐂 $246嚟到好靚，一個托盤放咗吉列牛、麻醬沙律、豆腐、車厘茄、醬汁、飯同湯。吉列牛大外層薄薄嘅麵包糠包住，約一成熟，可以自己放係石板燒爐加熱同因個人喜好燒到合適嘅熟度，食落簡直外脆內軟，肉嫩超多肉汁，點上芥茉蛋黃醬或燒汁，再配上飯素米飯，簡直一絕。😋😋😋點擊圖片放大 咖喱忌廉烏冬上枱時係震騰騰，忌廉上層真係好似雪地咁白，配上少少葱花，真係好靚，十分吸睛，底層係黃色嘅咖喱烏冬、雞肉、洋蔥同冬菇，烏冬好彈牙，微辣咖喱烏冬加上滑滑嘅忌廉一啜就即刻啜入口，味道真係超夾，去到真係要叫嚟試吓。😍😍😍 Citus Ocean +$18雖然佢係藍色，但係用柚子蜜加梳打而成，味道唔會太甜，相當潤喉。😃😃😃 Passion Punch +$18熱情果蜜加梳打而成，亦唔會太甜，仲有少少果肉，呢杯我鐘意。🤣🤣🤣蒜片牛舌芯👅👅👅 $58將牛舌外層同多餘嘅部位去掉，只得牛舌心，整得又唔會過老，食落好彈牙，配埋好香嘅炸蒜片同葱一齊食，簡直令到牛舌昇華到另一層次。👍👍👍 整體評級：80分我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#吉列牛忌廉烏冬專門店 #吉列牛 #忌廉烏冬 #美食 #打卡 #銅鑼灣 #行街 #shopping #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
