近排天氣凍到咁，當然要整返羊腩煲嚟暖吓胃啦！雖然我係唔食羊，都唔可以咁自私，我唔食，老公就冇得食嘅，所以我會自己煮，咁就可以迎合到自己口味，唔食羊都可以用d羊腩汁用嚟打邊爐，真係一流。😋😋😋自制羊腩煲🐏🐏🐏 材料急凍羊腩 4磅竹庶 半條茅根 少許馬蹄 8-10粒枝竹 半斤唐芹 半斤蒜 5粒乾葱 5粒薑 約12片葱 少許 調味南乳 1塊（大）柱侯醬 1湯匙原鼓醬 1湯匙草果 3粒紹興花雕酒 5湯匙冰糖 2粒雞粉 少許 做法：1）羊腩凍水出水，加入薑2片，葱，酒2湯匙飛水滾水約10分鐘。2）白鑊落油，將餘下薑片、乾葱、蒜爆香。3）落南乳、柱侯醬、原鼓醬爆香後，倒入羊腩、紹興花雕酒3湯匙，抄勻循後，加入兩湯碗水（因自已喜好，可以再加多d）4）放入竹蔗、茅根、馬蹄、草果、冰糖一齊炆，轉慢火炆45-60分鐘，係最後15分鐘，就放入支竹，炆多一陣就熄火，再焗30分鐘，就可以落少少雞粉作最後調味就可以嫁啦！ 因為我鐘意唐芹同草菇，所以開飯烚烚吓時，我會加埋落去。🍄🍄🍄大家都應該好出奇，點解我會落茅根，因為老公同我一樣咁燥底，所以我怕太燥，所以我會落少量茅根去中和返。都係果句，煮嘢冇話一定要跟足食譜去煮，網上好多煮嘢食嘅片，個個睇完都可以跟住去整，都會整到好好味，但我通常會因為自己或家人體質而有所更改。😍😍😍我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#自制羊腩煲 #簡單 #好味 #自家制 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
