係疫情下，真係少咗出街食，有時都會心思思想出去食吓野，夜晚而家又冇堂食，為有就食下午啦！🥰🥰🥰等到老公收工，就去行下街，行完朗豪坊出嚟行過少少，見到有棟大廈係食嘢為主，咁我哋又想鋸下扒，所以就㨂咗呢間啦！🍽️🍽️🍽️Lockeroom Dining 小食 $68辣汁水牛城雞翼嚟到我已經覺得好靚，汁少少酸，初初冇點個辣汁時，我覺得平平冇其，只係好juicy，好滑，但一點個辣汁後，真係成隻雞翼唔同晒，簡直另一種層次，超好味，我超鐘意。😋😋😋 午餐 $85蒜香牛油法包可以做到外層脆卜卜，中間仲係軟綿綿，加埋蒜蓉牛油，正呀！😚😚😚 白蘿蔔餐湯我初時聽到個餐湯名，就即刻諗，我嚟食西餐，點解個餐湯係中湯嫁？嚟到時，佢用嚟盛載湯嘅器皿已經好特別，飲咗一啖之後，就知道佢係用白蘿蔔打成蓉，成個湯一d都唔中湯，反而係一個西湯，個湯完全出晒白蘿蔔嘅清甜味。😙😙😙 碳烤西班牙橡樹果黑毛豬柳配意粉豬柳好厚，好大塊，但可能係咁，豬一定要全熟先食得，所以豬柳有少少鞋，但意粉佢又真係做得幾好，軟硬適中，我老公超鐘意。😄😄😄 散叫 $248香烤美國牛肉眼扒七成熟牛扒好大件，真係有300 - 350g，牛扒好淋滑，可能佢冇得選擇汁料，而佢嘅汁又唔係黑椒汁（因為我個人覺得牛扒一定要配黑椒汁，先可以提升到牛扒嘅肉味），所以佢嘅牛味係差少少嘅，但整體嚟講，呢塊牛扒，都真係好食嘅，如果配黑椒汁就成件事更完美啦！😃😃😃點擊圖片放大 水蜜桃梳打 午餐轉加$10好香蜜桃味，唔會好甜，好飲。😀😀😀 凍水果紅茶 $42將水果切到細細粒，有d仲打成蓉咁再沖紅茶，真係夠晒真材實料，佢配備糖醬可自己加，但講真，生果已經夠晒甜，所以根本唔洗落。🤣🤣🤣 甜品 $78即製水果梳乎厘班戟梳乎厘上枱時仲可以震騰騰，好香蛋味，又唔會過甜，好正👍👍👍 整體評分：80分我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21#LockeroomDining #西餐 #据扒 #撐枱腳 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
