水魷其實食車仔麵我都會叫嘅餸，但可能水魷真係好貴，唔係好多地方都有，如果有呢個餸都係要加錢又或者得短短嘅三，四條，所以我決定自己整，一解我為食之愁。🤣🤣🤣去到街市，我本來只想買魷魚鬚，但姐姐話只買魷魚鬚會貴好多，不如全隻買平好多，抵食好多，所以我就買咗一隻水魷，見到牛柏葉好靚，所以忍唔住又買咗少少，咁就買咗成$70🙈🙈🙈真係好貴。自制水魷同場加影牛柏葉（類似南山村伯伯$1魷魚） 材料：水魷一隻牛柏葉 半斤葱 少許配料：1）老抽 1湯匙2）生抽 2湯匙3）糖 1-2 湯匙4）韓式辣醬 2湯匙5）麻油少許 (可加可唔加） 做法：洗乾淨魷魚同牛柏葉，白鑊落水魷同牛柏葉，全程唔需要加水，因為水魷同牛柏葉都會出水，大約煮5分鐘，就可以將1 - 4嘅調味料放晒落去煮，大約煮多5-10分鐘，加少少麻油，就可以上碟，最後加上葱花，咁就食得嫁啦！😋😋😋 係唔係好出奇呢？點解會類似南山村伯伯$1魷魚呢？因為每人做法都唔同，我做嘅味道只係類似，並唔係一樣，而且伯伯有用蠔油同自己嘅配方去整，而我本人唔係太鐘意蠔油，所以改咗自己鐘意食嘅調味料（韓式辣醬），真係冇諗過整完出嚟係咁好食。😍😍😍我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21#自制水魷 #牛柏葉 #南山村伯伯1蚊魷魚 #車仔麵 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
