嘩！呢排好忙呀，又煮嘢，又煲湯咁，好耐冇介紹紅磡美食啦！😅😅😅早排新開咗間燉湯飲茶嘅鋪頭，網上介紹就話好正，湯冇味精，點心好食，但始終每人口味都唔同，點都要親身去試下先知龍與鳯。🤗🤗🤗The Steam Hut 蒸廬 地址：紅磡船澳街99F號黃埔新邨佳富樓地舖花膠蟲草花粟子燉土雞湯 $60好清甜，足料，可能燉雞問題，所以比較油少少，飲嘅時候，接受唔到就要自己撇吓油先飲啦！🤣🤣🤣 印度椰子合桃腰果燉上肉湯 $58嘩！呢個不得了，一嚟到已經聞到好香椰子味，好甜，都係好足料，佢燉上肉，所以比燉雞冇咁油，清清甜甜，好味。😋😋😋 溫馨提示：佢全部燉湯都應該冇落鹽，所以大家可以因應自己口味自己落。👍黑金流沙包 $40好流沙，鹹鹹甜甜，好香奶皇同鹹蛋黃味，超級正👍👍👍 雲石芝麻包 $26呢個比黑金流沙包甜d，因為佢冇咗鹹蛋黃味，但都係好流心，黑芝麻好香，而家係茶樓真係好少有，呢個都係超級正👍👍👍 整體嚟講，呢二款，都必須要試🤣🤣🤣晶瑩蝦餃皇 $33皮夠薄，全部都係蝦，彈牙🤗🤗🤗 蟹子燒賣皇 $30肥肉唔多，材料夠新鮮，彈牙，粒粒都好飽滿。😚😚😚 XO秘醬蒸鳳爪 $26可能食慣咗茶樓果d，所以相比下呢個冇咁出色，如果鐘意食XO醬嘅朋友可以一試。🤨🤨🤨 鮑菇蟲草棉花雞 $30反而呢個係我最唔鐘意嘅，蟲草花可能貨源問題，唔太好食，我果隻冇鮑菇，同埋佢嘅汁芡好湖口。😅😅😅 薑蔥牛柏葉 $33牛栢葉爽口，我鐘意，但冇乜牙力個朋友就唔好叫啦！😁😁😁 咖喱土尤蒸豆卜 $33咖喱汁比較少，尤魚爽口，豆卜都吸晒所有汁，所以豆卜超好食😝😝😝 整體評分：80分每間食市都冇可能樣樣都咁出色，一定會有好食同唔食，而且冇可能歡合到每個人嘅口味，所以邊樣最好食，邊樣啱自己食，都要自己去試吓嘅🤣🤣🤣我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21#蒸廬 #香港 #點心 #燉湯 #疫情 #飲茶 #食好西 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
