近排我同老公真係好鐘意搵下d小店食飯，咁啱我哋去開荃灣中心，就比我發現呢間小店，坐位不多，由幾個後生仔打理，所以我哋就入去試下啦！🤩🤩🤩佢係散叫，自助剔紙落單形式的，種類好多，攪到我花多眼亂，我一於唔理，我就發揮我叫嘢嘅本色，就係係咁剔啦！🤣🤣🤣@道日本料理荃灣荃景圍86號荃灣中心一期地下S24號舖 雜錦魚生沙律沙菜係新鮮嘅，但一定要提嘅就係八爪魚同吞拿魚，因為佢嘅八爪魚係切方粒，唔同出面係一塊塊切少少出嚟咁，咬口彈牙十足，正👍，另外吞拿魚佢都係切粒，但食落好鮮，係有少少唔同，所以我哋決定叫多件吞拿魚壽司試真d嘅！🥗🥗🥗 照燒雞扒飯雞扒用姜汁酒醃製過，好香姜味，係有少少偏鹹，但配埋燒汁，甜甜哋，完全可以中和返晒，真係好夾好香。🍛🍛🍛 燒青魚不得了啦，熱辣辣，脆卜卜，連檸檬汁都唔洗落，一d都唔腥，仲要係咁juicy添。🐟🐟🐟 厚燒玉子（三件）真係厚燒，仲可以見到一層層嘅玉子，玉子入面仲可以做到咁滑，老公話呢個要推介。👍👍👍 由於壽司我哋真係叫咗好多款，件件都好新鮮，好鮮甜，我就唔逐一介紹，我會抽返d重點必食推介比大家啦！三文魚壽司、熟蝦壽司、象拔蚌壽司、帆立貝壽司、油甘魚壽司、深海池魚壽司（限）、芥末八爪魚軍艦、鹽燒佐口魚邊壽司、汁燒魷魚壽司、黃瓜小卷（8件）、腐皮壽司、鰻魚壽司、芝士玉子壽司、吞拿魚壽司。 帆立貝壽司帆立貝超大粒，仲要超厚身，食落超甜，超碼有差唔多兩個5蚊咁厚，飯又細細粒，啱晒女士們食。😍😍😍 深海池魚壽司（限）真係要睇下大家好唔好彩啦！真係限量供應，真係好食。😘😘😘腐皮壽司老公重點推介，佢話冇得輸。😚😚😚 芝士玉子壽司呢個都係老公重點推介，又係重點推介，芝士今次我真係冇本食得出到底係片裝芝士定係cream芝士，食落芝士味濃，又滑，配埋玉子簡直係絕配。😋😋😋吞拿魚壽司叫呢件壽司，都係因為個沙律而叫，佢嘅吞拿魚唔係乜大拖羅，中拖羅，又或者係腩位，但我平時唔太食嘅，我都覺得佢好好味，好新鮮，唔會話鞋颯颯。🙂🙂🙂 整體評分： 90分成餐飯整體嚟話真係好評，壽司係師父即時手握嘅，如果紅磡都有呢d小店就好啦！🥰🥰🥰#道 #日本料理 #小店 #後生仔 #外賣 #日本嘢 #好好味 #荃灣 #食好西 #相機先食 #煮食飲食 #cooking #Hkfoodblogger #foodieshk #hkfoodblog #hkfoodies #hkeats #hkcookblogger
