天氣咁凍，早幾日食完蛇羹同糯米飯之後，雖然個蛇羹超正，但個糯米飯始終出面食已經唔再係生炒，係熟炒，所以點都會爭DD。🙈🙈🙈其實之前我契娘都炒過比我哋食，真係超好食，老公已經成日都叫我炒，但因為真係怕炒到手抽根，而且又唔食得多，所以我成日拒絕佢，好啦！今次就決定炒返次比佢食吓啦！😋😋😋 生炒臘味糯米飯🍚🍚🍚材料糯米 1斤臘腸 2條潤腸 2條臘肉 1/3 條蝦米 少許蔥 少許調味料生抽 1湯匙老抽 1 - 1.5湯匙蠔油 1湯匙糖 1茶匙炒飯前準備：糯米洗淨後，用清水浸米大約1-2個鐘（因為每隻米受水情況都唔同，建議大家先問一問鋪頭姐姐先會好d)，糯米浸好後，一定要瓊乾水，臘腸、潤腸、臘肉先飛水同切粒，蝦米洗乾淨，用大約150 - 200毫升水浸透，但蝦米水千萬不要倒，因為要留返嚟炒飯用，切好蔥粒備用。 做法：1）我用白鑊唔落油，用慢火先爆香臘肉、臘腸、潤腸先2）跟住落蝦米至完全炒香，跟住就落糯米，用中火炒至所有糯米吸晒所有臘味油香先，跟住用中慢火去炒，炒到糯米開始乾身3）就每兩湯匙落蝦米水一次，到米又炒到乾，又再落兩湯匙蝦米水一次，呢個步驟大約重複5次後4）就轉慢火再落蝦米水跟住就冚蓋焗三至四分鐘，打開蓋後又炒鬆糯米飯，再落蝦米水又再冚蓋焗三至四分鐘，不斷重複做呢個動作，直至糯米透心有8-9成5）咁就可以將所有調味料混和後，加入糯米飯中，呢個時間就要快炒，令到所有汁醬同糯米飯混和後，就加入蔥粒，咁就開大火，再炒，直至熟晒就可以啦！（我用咗大約35-40分鐘時間）係唔係好出奇呢？點解我冇用冬菇呢？因為炒1斤糯米飯，一定唔可以食得晒，冬菇比較易變，所以我冇落，而蛋絲唔落既原因，我哋早餐已食咗兩隻蛋，所以唔可以再食啦，所以我又唔落🤣🤣🤣 雖然炒係辛苦，炒到好攰同手抽根，但見到老公咁鐘意食又食得咁開心，真係幾辛苦都值得嘅🥰🥰🥰每個人做法都有唔同，大家可以留言互相討論吓，交流吓心得呀🤗🤗🤗#生炒臘味糯米飯 #糯米飯 #補身 #暖胃 #自家制 #心機菜 #手抽根 #值得 #食得開心 #好攰 #好好味 #食好西 #相機先食 #烹飪 美食 #食譜 #煮食飲食#winnie_winnie21 #cooking #Hkfoodblogger #foodieshk #hkfoodblog #hkfoodies #hkeats
