買咗新煲,又買到又靚又平既牛肋條,當然要用玩具嚟炆下無茄膏牛肋條啦!😋😋😋點解係無茄膏呢?原因好簡單,我真係好唔鐘意茄膏,我成日都覺得茄膏好假,所以我真係好少會用,通常只會用好多新鮮蕃茄代替。唔知會唔會有人好似我咁唔鐘意茄膏呢?可以係下面留言我話我知喎。🤣🤣🤣 無茄膏蕃茄薯仔炆牛肋條🐂🐂🐂食譜如下:材料薯仔 3個洋蔥 1個紅蘿蔔 1條蕃茄 10個牛肋條 約2磅多d薑 幾片蒜頭 半個香葉 2片八角 2粒花椒 約20-30粒調味料:1)酒 2湯匙(因個人口味,而落就得嫁啦)2)雜香草 適量 3)黑椒 適量4)鹽 少許5)雞粉 適量6)糖 少許做法:先煎香牛肋條,跟住就可以落埋薑蒜頭爆香、酒,再加埋蕃茄,紅蘿蔔,洋蔥落去,加入清水兩大碗,花椒、八角、香葉我會用茶袋入住,先放入去一齊炆。因為今次就玩具係快速煲,所以我用左10分炆左牛肋,再落薯仔炆多5分鐘。如果平時用明火,我會慢火炆大約45分鐘,再加入薯仔,再炆15分鐘,就得嫁啦!最後,因應自己口味就加入調味料(2、3、4、5、6),再滾一滾就食得嫁啦! 都係果句,每人口味都唔同,最重要自己煮得開心,身邊既人又鐘意食同食得開心就足夠嫁啦!🤗🤗🤗#無茄膏蕃茄薯仔炆牛肋條 #零失敗 #新玩具 #靚牛肋條 #輕鬆煮 #自家製造 #自家味道 #好好味 #食好西 #相機先食 #winnie_winnie21 #cooking #Hkfoodblogger #foodieshk #hkfoodblog #hkfoodies #hkeats