放大假，成日留係屋企，就嚟屈到傻咗，終於等到老公放假，當然最好就係去搵食啦！😋😋😋我哋去到觀塘，見到呢間點心工房專門店，就吸引咗我哋入去。睇完個餐牌，我哋就叫咗兩個午餐，再散叫咗三個點心，真係攬住個肚走。🙈🙈🙈@皇廷工房點心專門店地址：觀塘敬業街55號皇廷廣場地下4號舖午餐 （$54 凍飲+$3）鳯爪排骨蒸飯蟹子蒸燒賣（3粒）凍咖啡排骨有骨又有肉，好有味，飯軟硬適中，燒賣唔會太多肥肉，都算彈牙。😃😃😃香剪豬扒米線喇沙牛栢葉凍柚子蜜豬扒係剪，比較健康，唔係炸，唔熱氣，米線就啱晒我，比較偏向淋身，喇沙牛栢葉就超出色，嚟到嘅時候，好似好少咁，原來佢成碟都只得牛栢葉，唔同其他用蘿蔔、南瓜墊底，相對嚟講，真係比出面嘅多，味道方面，超正，超野味，好爽口，呢個真係要去食。😝😝😝加配油菜一碟 $8講真，呢個真係好抵食，加$8超大碟，仲要係西生菜，抵呀！🙂🙂🙂工房抄手個汁就較得好味，但皮就厚咗少少，同埋入面以肉為主，鐘意食肉就一定好鐘意，我個人就差少少啦！😁😁😁春風得意腸粉佢係用腸粉包住原條春卷，春卷夠脆，但比我感覺係有d失望嘅，我會諗會係好特別嘅腸粉，冇諗過只係腸粉包春卷就好似冇乜誠意咁。🤭🤭🤭皇廷蝦餃皇（3粒）皮薄餡靚，全隻都係蝦，好新鮮同彈牙，真係要叫。😚😚😚總括嚟講，呢間都唔錯嘅，價錢唔貴，味道真係適合注重健康人士食用。大家可以去試下。😛😛😛仲有呀，原來佢係黃昏、晚上及星期日或假期有「包埸派對」，星期一至六 (5pm - 10pm)，星期日 (11am - 10pm)，等限聚令過咗後，又多個地方完返晚啦！👏👏👏#皇延工房點心專門店 #飲茶 #觀塘 #煮食飲食 #香港味道 #食好西 #搵美食 #唔執輸 #相機先食 #winnie_winnie21 #cooking #Hkfoodblogger #foodieshk #hkfoodblog #hkfoodies #hkeats 點擊圖片放大 +11
