幾個星期前我和囡囡小瑩在看電視時看外國節目曾提及可麗餅，囡囡就嚷著話要買，可惜的是在外國怎會買得到呢?自己又不懂得整~ 結果直到上星期得知原來在香港有專食法式可麗餅的店舖，囡囡小瑩即時雙眼閃閃發光，為食的我倆又點會錯過呢，之後我同小瑩就二話不說要立刻去試食了! 因一直都有顧客在店，也在快手快腳下影了店面，地方不難找，在旺角新世紀內，出電梯後沿住路就找到，店舖號碼亦都好易記...345......<<Crêpe Delicious>>亦都有外賣及堂食，有時間的我當然會坐低慢慢食~ 如叫外賣在上方會看到顯示板，價格亦會清楚列明，如有唔明問店員都好樂意解答，當日入到去店員知道我同小瑩要坐低食，都提議我地坐低慢慢睇餐牌，服務態度very nice~ Crêpe Delicious主打特色鹹、甜法式可麗餅，款式材料的百變配搭打破了香港人對法式可麗餅傳統味道的感覺，共有多達10款的鹹可麗餅(Savoury Crepes)及15款的甜可麗餅(Sweet Crepes)任君選擇，總會讓你選到心水的一款。 基於小瑩係比較多野講，我怕囡囡嘈到人就入左最入個位坐，地方座位間夠闊，我地右上方仲有個大電視，不過就播食品既，諗唔到食邊樣好，睇電視會諗得到! 當然坐卡位最合我心意，地方亦乾淨，坐得自在舒服，坐低即時睇睇有邊樣試先? 想不到鹹食可麗餅都有兩大頁，甜食亦是，仲有雪糕飲品...開始有選擇困難症... 凍蜜桃茶(16OZ-$36/20OZ-$40) 最後同小瑩商議後先揀我倆都愛飲既凍蜜桃茶，黎到發覺茶面好多泡泡，囡囡話是否啤酒?我即時試飲，哈都是蜜桃茶，我覺得桃味同茶味各漸半，不會太濃，甜度適中，飲後有好fresh既感覺! 飲完泡泡還留在杯內，囡囡又開始玩了,整下整下D泡沫又可自娛一番~~ Seared Hotatekai Scallops ($148) 這款鹹的可麗餅因我見到餐牌上的帶子即時被吸引，來到才發現比我想像中大份，還以為會像街外手抓餅size,但原來長度有一支銀叉長度，而這份量我覺得一人吃可以當午餐了，而小瑩最初是不喜愛(因她不吃海鮮)，結果當我給她試食後就要求要食一半，而帶子我覺得煎得十分之好，面煎得好香，帶子肉質熟嫩度剛好亦彈牙，就好似外面高級餐廳質素，味道亦濃，所以一開始先食光三粒帶子，再食可麗餅時發覺亦相當豐富，餅面上黃色我想應該是粟米蓉做成的帶甜的醬，還有蛋黃醬及木魚，在中間有生菜，底層還有蟹肉，仲有餅皮邊好香脆，食完感覺好似食左海鮮大餐一樣，好滿足! 最初不怕試的囡囡小瑩，還說怕會陏的木魚，結果最後和阿媽我爭食，如果愛超重口味的朋友還可以加調味料，而我就甚麼都沒有加，因這味道已經好好食~ Red fruit Patisserie ($88) 這一款亦是我點，因囡囡每次都會點朱古力食品，我想來點開胃甜品，就揀我喜愛的吉士醬甜品，這款用了紅桑子同士多啤梨作主打，還有可麗餅及士多啤梨醬等~賣相十分討好，而且還比鹹點那款更大~~ 這一款也是超大，和囡囡亦切開一人一半食，吉士醬甜又滑，紅桑子沒外面蛋糕食到的酸，對我來說只是微酸，當中還很有益處，所以我食左好多粒，而士多啤梨亦是微酸，但將它們加埋吉士醬及可麗餅同食亦不錯，但如果像一點酸味也受不了的小瑩一樣，可以選擇餡料是朱古力等甜點~ Gelato 雪糕- 朱古力及芒果味 因前兩款亦是我點，雪糕讓囡囡自選，當然小瑩要揀朱古力味，我心想又是朱古力?而我就選擇芒果味(因有鮮芒果成份)，黎到一杯兩味就立即試試朱古力味，咦…好食呀喂，好濃朱古力味，濃得黎不會有苦，雪糕內還有細小朱古力片，又好滑，好好味!小瑩即時阻止我叫我食我的芒果味，而芒果味亦好特別，微微酸味，就好像食楊枝甘露的味道，不過就是雪糕質感，味道都幾好，但兩者相比我更喜愛朱古力味=3=~ 一到外面再望，原來有好多款雪糕可選，店員說不止這些款式，為食的我當然下次要試下其他口味~而買三球就最抵，$68就買到了! 最後想講店內每個座位都有個USB充電位，去到可以邊嘆美食邊充電(請自備充電線)，食得舒適又可自在談天說地，店內地方亦好大，我同小瑩都邊玩邊慢慢食，食到成面的小瑩，幸好有職員不時送上紙巾好貼心呢~不知不覺都坐了個多小時，所以都好適合一家大小或成班人去食，可以叫多幾款大家分黎食，下次我都要約埋班姊妹黎開餐先得! 尋找此店?請看.... Crêpe Delicious (旺角MOKO新世紀廣場店) 地址：旺角MOKO新世紀廣場3樓345號舖 營業時間： 星期一至五：上午12時 – 下午10時 星期六、日及公眾假期： 上午11時 – 下午10時 聯絡電話：2881 1033 ＊個人試食口味各人不同只作參考＊ <<是次食品及資訊由該食店提供>> -------------------------------------------------------------------------- 需要聯絡我?請到: 專頁:https://www.facebook.com/mayleeface 電郵:doraemon1019@hotmail.com Blog: http://weshare.hk/winmay/ http://www.theztyle.com/?67914 http://trial.itrial.hk/user/winmay http://beauty.qooza.hk/u/MayLeelove http://www.beautyexchange.com.hk/blog/May Lee 柔妮 http://blog.ulifestyle.com.hk/blogger/winmay/ http://mayleeface.blogspot.com http://blog.mybb.com.hk/home.php?mod=space&uid=1770&do=blog&id=19251
