一直以來我同囡囡小瑩一直很喜歡掃街，好似咖喱魚蛋呀、燒賣仲有雞蛋仔同格仔餅係我地至愛，今日就去左試食這間荃灣全新開店的特色小食店<<好.食得>>，雖然店仔細細，但五臟俱全，飲品有好多款，仲有我同囡囡小瑩至愛既雞蛋仔，對於超愛食雞蛋仔既小瑩，一定不會放過試下雪糕雞蛋仔係點呢? 雪糕雞蛋仔($28單球/$33雙球) 當中有四款雞蛋仔口味可以揀，我全權比咀刁的小瑩話事，佢揀左原味加曲奇雪糕，原來仲可以揀埋吱甚麼醬同加那種食用裝飾(右圖)...一直以為小朋友一定會揀朱古力.原來小瑩都有例外的時候... ＊雪糕特別嚴選「北海道特選3.6牛乳」，更加入鮮果肉打成，甜度適中，低卡低脂肪更健康。＊ 當我地想揀飲品的時候，發現有好多選擇，我開始有選擇困難症，問一問店家就選擇左每日新鮮仲要限量供應用鮮果打成的草莓之選＊紅粉佳人＊($36),而<<好.食得>>這店營業時間係中午12點至夜晚8點，下次要記住先得! (著校服學生全單仲有九折!!!) 當呢份雪糕雞蛋仔黎到既時候，我同小瑩都呆了，因為都好大份，同瑩個頭有得揮，呢個價錢咁足量，好彩有杯裝住，我同小瑩就拿拿聲試下先~~~ 仲有埋木匙方便食，個賣相都好得，如果一人食絕對滿腹又滿足，兩人食就滿載幸福! 因天氣好熱小瑩同我都快手快口去食解解暑，先試下乜都唔點既雞蛋仔，外脆內軟同帶暖的雞蛋仔，咬開內餡亦好足料，不是空殼雞蛋仔，蛋味同甜度亦適中，第二種食法是將雞蛋仔點雪糕/忌廉食，仲有種食法是食晒面既雪糕再去嘆雞蛋仔！ 左-草莓之選<紅粉佳人>($36):杯飲品未飲已經好吸引，即時來個相機食先，小瑩先試第一啖.跟住話有d酸,到我試我又唔覺酸,係微酸，仲好有新鮮士多啤梨味，完全冇其他化學野味道，夏日炎炎有冰感仲好開胃，加埋上面忌廉一齊飲，甜酸度均勻左，個面仲好多士多啤梨，最後小瑩襯我同人傾計既時候將杯野飲晒,可鄰既阿媽只飲兩三四啖...(回家後我問過小瑩你話酸,點解又飲晒杯野?小瑩答我:小酸之嘛,我鍾意呀...) 右-珍珠奶茶($16):而呢杯就因為小瑩KO左我杯紅粉佳人再叫的，這款就好清香帶小小甘味的茶味，對我來說算是小甜系列，不會超濃那種，鍾意嘆茶香的朋友又怕太濃應該會鐘意這一款~ 因我同囡囡小瑩好滿意這一次雞蛋仔之旅，小瑩都要寫下佢既評價，仲比埋Like手勢，我就覺得好食又抵食,超級推介必食的雪糕雞蛋仔!!!!我仲同小瑩約好下次來試其他味，因佢的雪糕用「北海道特選3.6牛乳」，有D口味仲用鮮果肉打成都未試，個味又不會太甜，又低卡低脂低卡低脂低卡低脂!!!!絕對要講3次，因我正在減肥中，這一次絕對止到癮，而格仔餅都未試，有機會下次會再試埋，而《好.食得》雞蛋仔絕對大過一般出面食到的份量，感覺可以一份有外面兩份份量，好味又抵食我地會再來的!!! 如何搵到此店?可到.... 店舖：《好.食得》 地址：荃灣鱟地坊84號華成樓B座地下B5號舖 營業時間：12:00- 21:00 Facebook網站:https://www.facebook.com/%E5%A5%BD%E9%A3%9F%E5%BE%97-720975371359491/ ＊個人試食口味各人不同只作參考＊ <<是次食品及資訊由該食店提供>> -------------------------------------------------------------------------- 需要聯絡我?請到: 專頁:https://www.facebook.com/mayleeface 電郵:doraemon1019@hotmail.com Blog: http://weshare.hk/winmay/ http://www.theztyle.com/?67914 http://trial.itrial.hk/user/winmay http://beauty.qooza.hk/u/MayLeelove http://www.beautyexchange.com.hk/blog/May Lee 柔妮 http://blog.ulifestyle.com.hk/blogger/winmay/ http://mayleeface.blogspot.com http://www.tryit.hk/user/winmay http://www.mybb.com.hk/home.php?mod=space&uid=1770&do=blog&view=me
