好開心又能參與試玩活動,今次我地揀左9月7日去左We嘩!懷舊嘉年華@愉景灣- Carnival 70s’喪玩左一日~ 雖然當日好熱,但無阻我地玩既決心,今次仲有D部分可親子參與,我地真係唔到因落雨而提早關門都唔願走..... 好彩當日早去,約12點幾就去左玩,我地都玩左四個幾鐘,真係好難忘今次,因為終於可以試到"We嘩!水上飄"喇... 今 次瑩瑩所學到和今次有d唔同,今次我見證到佢為左玩而唔怕曬,今次又醒目左,見長龍人龍就排住其他遊戲玩先,仲有學識搵職員哥哥姐姐幫佢手,="=難為職 員哥哥姐姐都好好人每次都好熱心幫佢,咁熱仲要幫瑩瑩,真係想係度講聲Thank you=3=~除呢d之外,瑩瑩由開頭撐艇仔要人幫推,上滑梯要人抱,到後來玩玩下佢竟然話唔洗人幫,要自己黎....果然玩係學野最快.... ________________________________________________________________________________ 之前WE嘩FB網頁已提到要帶防曬用品,我竟然把瑩囡的帽在家跌了,防曬我地都沒搽,我配戴帽同帶左把遮就出發了~~ 我地去愉景灣在欣澳站出口行5分鐘就有車去,相中就是我們在車上影~~(瑩瑩又整怪樣了,我隻手呀...>.<) 去到愉景灣地方好大,圍住都有超市,便利店,仲有特色食品賣呢~~ 嘩啦嘩嗱!撐艇仔: 全由小孩自主控制方向及速度，家長可藉此一同重溫老香港的情懷之餘，亦可令孩子能體驗父母兒時的遊樂節目 呢位四眼哥哥次次瑩瑩落船都好熱心幫瑩瑩,衰妹瑩仲點哥哥幫佢推船= ="瑩瑩公主病發作了.....好彩到玩到後期兩次終於自己全程肯搞個手柄.沒再虐待哥哥了~ 這遊戲瑩瑩今次玩左5次,佢話呢個船可以自己搞,D水好凍咁,一路搞一路個碌會轉架!! 而我就睇住佢玩,我都想落去玩,可惜只係比小朋友玩=-=" We嘩!抓抓樂: 考驗參加者的反應，鍛鍊手眼協調及空間感 每次黎到必玩.是瑩瑩最愛,今次少d波,瑩瑩輕易就捉到波了~ 這遊戲瑩瑩玩左約5次,雖然是瑩最愛節目,但今次多左新項目分散最愛,問瑩瑩點解鍾意玩?今次佢答:好鍾意波波~~ We嘩!反轉夢幻城堡: 讓小朋友盡情彈彈跳跳,開開心心自由發揮 當然今次又沒我份,睇住瑩瑩好開心係入面狂彈狂跳,就算跳到出晒汗都要玩,係呢度唔洗好似出面同人迫,或彈到撞埋一齊,我好like~~而且個城堡充氣好足夠,夠晒彈力!! 這 遊戲瑩瑩玩左6次以上...記住去WE嘩要帶襪仔,我見過有外國人唔知要帶襪,寧願唔比個小朋友玩(見個小朋友喊晒都冇得玩),其實只要即場買對襪就 ok,好彩我醒目,帶定襪^^~~ 瑩瑩話:鍾意呢個好彈彈彈彈,跟住彈完就訓,跟住又彈到訓...(跟住狂笑..喇佢).. 小丑魚奇幻飄流: 全自動開合口充氣滑梯，配合小丑魚彈床區，孩子必須看準時機，攀爬魚口梯級，再從高處直衝至魚尾的滑梯，充分考驗小朋友的身手敏捷度及機動性。 瑩瑩玩這遊戲約5次,問佢點解鍾意玩?佢話:都鍾意玩,但個口合得太快 ,我驚上唔切....要等.. 而對我作為媽咪黎講,睇住佢由要人抱上個魚口同個吹氣墊,之後就唔要姐姐哥哥幫手,自己努力爬上,我想佢玩多d添呀~ We嘩!水上飄： 可享受親子同樂的水上飄卷，今夏首次登陸愉景灣! 今次我終於有份玩喇,入去好奇妙既感覺m向前向後會打轉,帶點刺激,但被瑩瑩立令叫我唔好搖,仲只比我玩一次><...話下次要自己玩....冇陰公><.... 個池有四個大飄卷,最多人玩既遊戲,3點後超多人排,雖較貴,但貴得黎可親子玩,同第二度好少有得玩,所以都大把人玩,見到有D小朋友不停推轉,我都想,但瑩瑩愛坐入面搖下搖下...享受佢獨個兒的世界... 這遊戲玩了三次,唔係唔好玩,係因為瑩瑩唔想排隊,最後佢肯去排,但因天雨而提早完場...瑩瑩勁唔想走.... 瑩瑩話呢個係咁碌,好好玩呀,但你唔好入去玩呀媽咪,你成日搖架!!(= ="...) 玩到面仔紅卜卜就來 We嘩! 藝術廊來抖抖,今次我地揀第二款,呢款容易d,我同瑩瑩一人砌一邊,再合成搞掂^^ 智勇神槍手: 考眼力,考手力, 訓練準感度 計上次射擊後今次一開始就自己識擰發射槍,仲射中黃色~ 鴨仔逐隻捉: 練眼力、手力、準成度 第一次就射到鴨仔了,難度很抵,小朋友好易能win到~~ 木桶過三關: 考手大細力,技巧,準感度 瑩瑩玩好多好多次...最後係彈個箱再彈入.我都試左一球.唔入= =".個波好易會反彈出來.真係要有技巧先做到~ 狙擊鐵甲人: 可消耗體力,訓練習中力,準成度~ 都有d難,瑩瑩都係掉幾次先掉到,不過成功左瑩瑩超開心~~ 又係時候休息下,黎呢度 We嘩! 閃粉彩繪 ,幫隻手扮靚靚,瑩瑩揀左海星~~ 連色都可以揀三款,呢三款色同圖案都係囡囡話事,完成後好閃好靚~~~ 隔離仲有特色食品賣添~~我都忍唔住買左個砵仔糕~~ 好熱好曬但好開心的一日,如果唔係落雨就好啦,可以比瑩瑩玩到多次水上飄卷呢~~ 總 括黎講天氣熱又在戶外都有好處,哈就係會少D人,可以唔洗點排就玩到,因天陰時會忽然多起人黎,大家都玩得好開心,而我每次除左好欣賞職員熱心外,還喜歡 這裡夠乾淨,見到職員要求外國人爸爸帶囡囡進入遊玩時的堅持,這也是保障緊所有家長的小朋友,很抵讚~希望再有機會再玩啦~~唔係下次經過我諗瑩瑩唔會放 過我~~^^" ____________________________________________________________________________ 關於「We嘩! 充氣嘉年華」 「We 嘩! 充氣嘉年華」為「WeKids Amusement Co. Ltd」旗下的皇牌親子活動， 2013年開始已於香港各大商場巡迴舉行，提供全港獨家的充氣遊戲產品，具高質數及多元化，推出後屢獲市場熱烈的反應，贏得良好口碑，並成為一家大小享受 天倫的假日好去處。 我們的遊戲由日本、英國、意大利、瑞典等進口，旨意透過健康、互動及親子共融的遊戲，小朋友可暫遠離電子數碼世界，有效地增進家長與小朋友之溝通, 均衡地發展心智與腦力，於一個安全及快樂的環境下，讓大人小朋友盡情享受親子時光！ A) 嘩啦嘩嗱!撐艇仔"復刻版”首度登場 「嘩 嗱嘩啦」是小汽船 (源自開行時水的聲音) 俗稱 "僕僕仔"，香港未建成海底隧道前，「嘩嗱嘩啦」就是唯一渡海交通工具，是極富有特色的香港象徵。是次We嘩! 專誠找工匠重新打造將復刻版本，將這個撐艇仔的經典元素重現眼前，全由小孩自主控制方向及速度，家長可藉此一同重溫老香港的情懷之餘，小朋友亦可體驗父母 兒時的遊樂節目。 B) 親子水上Run & Jump We嘩!水上飄每次登場均引起撲「卷」潮，家長及小朋友可一同身處在巨型及彈氣充足的飄卷內大步走，享受水上飄行的快感及自由自在的樂趣。此親子遊戲更可訓練大小朋友的平衡力，肢體協調及與彼此間的溝通及合作精神，促進親子關係。 C) 重拾「荔園FEEL」攤位遊戲 是次嘉年華以「懷舊」為主題，各式各樣的懷舊攤位當然不可或缺! 是次We嘩!更以荔園為設計藍本，務求將昔日的經典攤位遊戲重現於眼前。當中包括家傳戶曉的射鴨仔、擲木桶等，無論大小朋友均可參加，令各位能將懷舊感覺帶回家中，一起話當年。 D) 全港獨家 !!!自動開合口充氣滑梯 小 丑魚奇幻漂流是以海洋世界為主題的彈床，每次出場均受小朋友愛載。由意大利原廠設計及製作，其物料及機械裝置均經歐盟認可要求及認証，背後由全自動大型風 機令小丑魚口定時開合，小朋友必須看準時機，奔跑至具一定斜度的攀爬梯級，再從高處直衝至魚尾的滑梯，充分考驗小朋友的身手敏捷度及機動性。 <<是次資訊及試玩活動由We嘩! 充氣嘉年華提供>> 需要聯絡我?請到: 專頁:https://www.facebook.com/mayleeface 電郵:doraemon1019@hotmail.com http://weshare.hk/winmay/ http://www.theztyle.com/?67914 http://itrial.hk/person.php?uid=8957 http://beauty.qooza.hk/u/MayLeelove http://www.beautyexchange.com.hk/blog/May Lee 柔妮 https://blog.ulifestyle.com.hk/blogger/winmay/ http://www.tryit.hk/user/winmay
