新年快樂!2018年都差不多過咗兩個月喇,農歷新年都到過緊添喇,咁就首先祝大家新一年身體健康、所有事都順順利利啦! 好喇隔咗咁耐我係嚟找數!自從上年淘寶雙十一之後我話有開箱文跟住直到而家都未出,淘寶都唔知淘多咗幾多轉。所以不如趁今次一篇過講喇,但我唔講晒喇因為真係太多,我揀啲特別嘅嚟講啦。 第一樣我一定要講嘅就係呢個香薰機!好到直頭呢已經再返兜買咗第三部喇!首先佢個造型好簡單又唔太大部(我揀嗰個size係300ml),佢有個時間制可以比你揀放60/ 180/ 360分鐘,仲要有埋夜燈,咁先RMB90(雙十一價)!如果佢啲水放晒仲識自己熄機添,性價比係非常高!落單嗰時仲可以留言叫佢地換個原裝香港嘅三腳插,唔使額外加錢。佢地嘅包裝都非常好同穩陣,就算集運完再寄落嚟香港所有野都係完好!其實同款我見到淘寶有好多,我有同事買咗大size再平啲添。不過我冇仔細問有冇得換插頭包裝點呀之類,我又覺得我買開呢間無論出貨速度呀客服呀包裝呀都好一流所以我就算返兜幫人買我都係買返呢間。 呢個放化妝掃嘅玻璃箱連珍珠雙十一價係RMB95。出貨時包裝極好保護得好穩陣,就算集運咗都冇爛,抵讚!我覺得放喺嗰化妝櫃睇落好高貴! 除咗嗰玻璃掃箱,嗰LED鏡燈(RMB59)仲有左邊個木托盤(RMB33)都係淘寶。因為我間房好細冇位放化妝枱,所我我喺個櫃面放一個托盤嚟做化妝枱高度係啱啱好! 我好中意啲懶係vintage嘅野,所以我特登淘咗個金邊玻璃盒嚟放飾物。嗰盒係上個月買,唔使特價都只係RMB36! 我想買呢啲洗化妝掃膠板好耐喇,log-on一塊要百幾蚊我覺得貴。淘寶係勁多size揀唔使大大塊咁仲要只係幾蚊到十幾蚊人仔。平平地買嚟玩下都幾好。 我睇好多youtuber都係淘寶買掃,我趁雙十一又試下啦。我買咗三個牌子,其他我覺得認真麻麻,反而呢間叫mintbear嘅掃最平但最好用,掃毛軟硬適中,易抓粉,推介! 呢個架用嚟夾住洗完嘅化妝掃瀝水幾好用,RMB20, 其實又係有好多間店都有賣呢個架,但我揀咗間平嘅買,雖然架係一樣(應該),但佢寄貨個包裝認真唔得,就咁放入個大紙盒度冇野包住,我覺得有啲污糟,我要清潔一下先敢用。 呢個廚房磁貼架我雙十一嗰時買特價只係RMB40, 雖然係磁貼但個架有兩大塊磁貼片所以都貼得好穩陣! 淘寶淘iPhone差電線係指定動作(真係唔知點解啲差電線,就算係Apple正版嗰條都咁易爛)。呢條個頭會轉彎方便差住電睇片呀,雙十一價RMB18. 咁有啲咩係我會係淘寶無限回購呢?就係我隻狗嘅尿墊啦同埋佢訓緊嗰張帆布床(寵物用品真心不錯,只要唔係放落肚就得)。尿墊都只係RMB三十幾蚊,我試過幾隻牌子我覺得而家用緊呢隻「寵百思」最好,雖然佢唔係我喺香港寵物店買日本嗰啲咁厚但我覺得吸水力都夠。至於張床呢已經買咗第三張,之前我買床架連牛津布,每次換我都要掉個架我覺得有啲浪費。後來我搵到呢間店有得單買塊布,所以我而家只係換咗佢塊布就OK喇! 塊布可以揀有網或者冇網,我呢張有網XL size係RMB65, 連埋個架而家特價都係RMB145, 仲平過我嗰時買呀! 以前我都係買梳化款嘅床比佢訓,但佢皮膚唔好又中意成日lam張床我覺得梳化嗰啲長期"up"住咁唔係咁好,所以買呢啲可以疏氣嘅床又易清潔對佢皮膚好啲! 除咗呢堆之外我仲淘啲運動用品呀衫呀質地都非常好!我見其實而家好多youtuber都出淘寶開箱片,好好心機續樣介紹咁,我都成日睇下人地會喺淘寶買啲咩。如果大家都有淘寶歡迎交流有啲咩心水推介! shopping list:(如果有漏大家可以問返我) 香薰機300ml - https://item.taobao.com/item.htm?spm=a1z09.2.0.0.61bc2e8dabGFZ3&id=537813461470&_u=i2b5bd638c2a 狗便便神器 - https://detail.tmall.com/item.htm?id=555306991643&spm=a1z09.2.0.0.61bc2e8dabGFZ3&_u=i2b5bd637b40 麻布窗簾連掛勾 - https://item.taobao.com/item.htm?spm=a1z09.2.0.0.61bc2e8dhujAEl&id=520178315781&_u=i2b5bd638a26 玻璃化妝掃箱 - https://detail.tmall.com/item.htm?id=557317185553&spm=a1z09.2.0.0.61bc2e8dhujAEl&_u=i2b5bd630066&skuId=3454506528671 木托盤 - https://item.taobao.com/item.htm?spm=a1z09.2.0.0.61bc2e8dhujAEl&id=537654240044&_u=i2b5bd631524 LED化妝鏡 - https://detail.tmall.com/item.htm?id=522957403473&spm=a1z09.2.0.0.61bc2e8dhujAEl&_u=i2b5bd63ffc5 金邊玻璃飾物盒 - https://item.taobao.com/item.htm?spm=a1z09.2.0.0.61bc2e8dhujAEl&id=547090449350&_u=i2b5bd63df1a 化妝掃清潔板 (長形)- https://detail.tmall.com/item.htm?id=552626925304&spm=a1z09.2.0.0.61bc2e8dabGFZ3&_u=i2b5bd63cca4 mintbear染暈握/鼻影掃 - https://detail.tmall.com/item.htm?id=559125603514&spm=a1z09.2.0.0.61bc2e8dhujAEl&_u=i2b5bd63691b&sku_properties=7814360:18128498 晾刷架 - https://item.taobao.com/item.htm?spm=a1z09.2.0.0.61bc2e8dabGFZ3&id=551403971350&_u=i2b5bd63d8b2 廚房磁貼架 - https://detail.tmall.com/item.htm?id=557141246995&spm=a1z09.2.0.0.61bc2e8dabGFZ3&_u=i2b5bd63249f 彎頭iPhone差電線 - https://detail.tmall.com/item.htm?id=557974996465&spm=a1z09.2.0.0.61bc2e8dabGFZ3&_u=i2b5bd630e64 狗狗牛津布連床架 - https://detail.tmall.com/item.htm?id=19249855454&spm=a1z09.2.0.0.61bc2e8dhujAEl&_u=i2b5bd633217