今次唔講旅行美容，我想講下長大成人呢回事。 我讀中學開始我就已經聽Robbie Williams。由當年好似進擊的巨人咁嘅Rock DJ、朝朝起身用Supreme做鬧鐘鈴聲、係人都唱嘅Better man、我最愛嘅The Road to Mandalay，到近年唱比個囡聽嘅Go Gentle。有邊個會諗到以前嘅佢係壞孩子一名，醉酒鬧事打人台上食煙咩曳事都做盡，但而家竟然係個愛妻女顧家男人？呢堆歌一直都係我個playlist入面，老實說一路聽住，心裡面一路覺得，「嘩老喇！我原來都見證住RW由曳仔變成真男人！」。 最近喺facebook睇到一篇漫畫，講30前後嘅不同。其中一幅係講話細個時覺得30好老唔想到呢嗰年齡，但到30時就覺得呢個年齡先係一個開始。我好有同感啊！其實呢幾年自己生命中發生好多事，開心唔開心都有，黎到今年，突然間發現原來自己都不經不覺變成左咁樣樣嘅一個人，唔係完美唔係最好，有少少經歷，有少少遺憾，但又有少少得著，有少少心得。心境唔同左唔係細個時咁硬頸（雖然都係硬硬地）唔聽人講野，原來咁濟遇又會有少少唔同機會又多左少少。原來黎到呢個年紀先叫做開始明白咩係生活(life & living)，原來黎到呢個年紀先可以話自己終於大個識諗喇！當然，而家先至係開始，仲有好多野有排學，但望返轉頭，我諗當年影張相都黑口黑面，樣樣都唔想試嘅四眼肥妹都冇諗過自己會變成咁哈哈！ 好啦明明只係playlist loop到RW首Go Gentle竟然變成感性廢up。此歌獻比同樣好似我咁有感自己終於長大成人嘅各位，仲有都中意聽Robbie Williams嘅各位！ Robbie Williams - The Road to Mandalay (題外話，ublog嘅wordpress加唔到plugin, 有冇人可以教下我點喺度貼youtube片呢)
