又變成月刊喇呢度....真係好鬼懶... 呢個星期公司收早加上聖誕兩日假基本上星期一已經進入放假狀態...LOL 一講放假就諗起食brunch。食brunch首選係食english breakfast, 一定要有茄汁豆! 仲有炒磨菇! 仲有炒蛋! 嘩諗起就想食! 第二就係本地常餐, 最中意澳牛, 但基本上有炒蛋厚多士加通粉我就好滿足。 其實講咁多前言都係想講我之前去溫哥華食既早餐店。記得第一次去加拿大時去cora 食早餐選擇之多簡直令我未食已經開心到爆! 所以今次再去就念念不忘要再去。其實我諗去美洲呢啲大份到嚇死人既早餐應該好普通, 但對於我呢啲美洲稀客偶爾一次食咁鬼大份早餐真係食到嘩嘩聲! 今次去食cora, 本來想食返上次食既blueberry pancake, 但同行友人話早餐唔想食甜野所以好啦我就試新野食個wrap啦, 已經唔記得叫咩名喇但份量一樣係多到唔會食得晒! 認住呢個cora大嬸! 另外一日我地去左Denny's, 呢間美國都有我諗好多人都識。嗰日我叫左個cinnamon pancake set跟炒蛋, 好失望地個炒蛋好熟似蛋皮, pancake又唔係好厚好鬆軟, 我覺得麥香餅好似仲好食啲, 但當食下美式餐廳氣氛咁囉唯有! Cinnamon Pancake跟炒蛋, 薯餅同腸仔 同場加影, 有一日唔記得係brunch 定tea, 食溫哥華周圍都有既JAPADOG, 其實真係幾好食! 我唔記得我呢個係咪kurobuta tariyaki...連埋啲紫菜好好食! 以前得車仔而家已經做到有梗舖! 賣熱狗既清一式日本人!
