星期六日下午最好就係可以relax下，同朋友去靚靚餐廳食下Tea。最近就去左上環既【DK Cuppa Tea】食Afternoon Tea，餐廳係西港城旁邊，有種與世隔絕、非常文藝既感覺！【DK Cuppa Tea】主打香薰能量同治療，搭配花茶同食物心理同生理都可以relax。今次就叫左「夢幻之願」下午茶，超靚Tiffany Blue加夢幻木馬造型，超級少女心！ 點擊圖片放大 享受下午茶前，店鋪會提供「魔法咭」五張俾我地抽，每張「魔法咭」都會介紹一種香薰精油及其功效。之後會係臺面既香薰機加入我地抽選左既精油，搭配下午茶享用。 「夢幻之願」下午茶包括 有機覆盆子藍莓黑加侖茶 鹹食：鮑魚沙律、牛角包、英式豬肉腸卷 甜食：伯爵茶杯子蛋糕、伯爵茶馬卡龍、蝶豆花玫瑰奶凍 有機覆盆子藍莓黑加侖茶：酸酸甜甜，帶D水果香味。飲用前會先加非常特別既食用能量液，有人緣同動力（活力）選擇，主要由植物提煉精華，再加甘油，只係會有甜甜既味道。 鮑魚沙律：沙律醬汁非常特別好食，而且唔會酸同鹹。鮑魚非常鮮味！ 牛角包：非常脆同鬆軟，牛油味重 英式豬肉腸卷：外面酥皮非常鬆脆，裏面豬肉腸都好足料，不過就鹹左少少 伯爵茶杯子蛋糕：下層蛋糕濕潤扎實、好香牛油同伯爵茶味道，上面奶油都唔會太heavy 伯爵茶馬卡龍：可能香薰精油位比較濃，唔係好食得出伯爵茶、只係食得出甜味 蝶豆花玫瑰奶凍：淡淡玫瑰味加上奶味，好特別 嘆完下午茶、再Scan埋 QR code就會送香薰頸鍊一條 另外有一個附加迷你workshop，只要加$ 100 (10ml)/ $ 150(30ml) 即時參加香水工作坊，親自製作一瓶屬於自己既香水。 上環【DK Cuppa Tea】真係一個非常適合同三五知己hea一個下午既好地方！ 點擊圖片放大 +2 http://www.aroma.com.hk/product/wishiparadise/ 地址：上環新街市街19號地下
