現代人食飯好多時候都係少菜多肉，營養好容易唔均衡。間唔中去食下素菜料理都係一個唔錯既選擇，所以我地就選擇左【悠蔬食】呢間全素餐廳。店鋪位置都好方便，地鐵站步行幾分鐘就到、雖然唔大，但明亮乾净舒適！清一色Tiffany blue + 白色擺設，俾人好清新既感覺！Menu有非常多選擇，所以我地直接叫做Dinner Set，唔需要考慮禁多。Lunch Set同Dinner Set Menu都係一個月換一次，保證唔會無新意！DinnerSet 一共5道菜，可以平D加配飲品。 前菜：涼伴日本黑豆亞塔子黑木耳、紅火龍果藜麥沙律伴無花果醋醬、泰式香茅金柚鮮果沙律 涼伴日本黑豆亞塔子黑木耳：醬汁咸咸甜甜、黑豆香甜軟糯、亞塔子口感類似椰果、黑木耳同青瓜爽口，唔同口感mix埋一齊好特別，而且味道好好味！ 紅火龍果藜麥沙律伴無花果醋醬：無花果醋醬偏酸，但搭配甜甜紅火龍果就岩岩好！ 泰式香茅金柚鮮果沙律：非常適合夏天秋天個鮮果沙律、金柚非常爽甜。 手卷：蘆筍素香鬆苜蓿芽手卷、香芒牛油果苜蓿芽手卷 以苜蓿芽代替白飯、熱量低，但覺得略為乾身左D，如果加番少少醬汁會好D。不過香芒配牛油果好香甜軟滑~ 湯品：菠菜桃膠忌廉濃湯、姬松茸竹笙黃耳百合燉湯 菠菜桃膠忌廉濃湯：菠菜味超濃、非常creamy！桃膠都好軟，非常真材實料既濃湯 姬松茸竹笙黃耳百合燉湯：食材非常多，而且唔會太咸 主食：風乾番茄紅菜頭蘋果核桃意大利飯伴吉列牛油果、牛肝菌粒粒意粉酥皮盒伴苔菜三絲脆卷 風乾番茄紅菜頭蘋果核桃意大利飯伴吉列牛油果：風乾番茄熬成既醬汁，非常鮮甜、唔會太酸。食材非常多，好鮮甜。核桃增加唔同口感。吉列牛油果真係有少少食肉既感覺。 牛肝菌粒粒意粉酥皮盒伴苔菜三絲脆卷：粒粒意粉同意大利飯原來係同一樣野，牛肝菌粒粒意粉非常creamy，好濃郁牛肝菌味，但又唔會好膩。苔菜三絲脆卷好香口，有一刻以爲自己食緊蝦肉！不過略嫌酥皮盒底已經泡霖左。 甜品：柚子乳酪蛋糕 Cheese cake加上甜甜柚子蜜，唔會太膩！ 飲品：藍蝶花雪梨汁、紫貝天葵荔枝梳打 藍蝶花雪梨汁：朋友話味道唔係好夠，不過賣相就好夢幻 紫貝天葵荔枝梳打：荔枝梳打味道比較重，帶有少少酸酸甜甜 地址：銅鑼灣渣甸街50號渣甸中心25樓
