早前一行12人去為左慶祝生日同gather，其實當初最主要係打算聚一聚。以旺角黎講地方算大，環境真係好適合聚會。因爲星期日晚都唔係坐得好滿，唔會太多人太逼。其實食物，我都唔係好記得叫左D咩啦，因爲唔係我叫既，只係記得比較印象深刻果D。 服務講真，韓國人老闆？態度比較差，其他香港人服務生態度都幾好。 食物都好新鮮熱辣，但分量比較少。12人至少每樣食物都要叫2-3分。芝士炒雞、魚糕湯2份都夠分，但炸鷄兩盤真係唔夠食。 芝士炒雞：芝士分量好足夠、鷄肉都鮮嫩、不過年糕比較少，醬汁有點太多。紫菜飯同炒蛋分量太少。6個人分都ok 炸鷄：分別叫左甜辣醬同香蒜蜂蜜醬。薯條、薯格比例比較多，炸鷄比較少。但炸得好新鮮！甜辣醬味道比較出色，香蒜蜂蜜有少少太甜，無咩蒜頭味，不過不失。 魚糕湯：魚糕分量都算多，6個人分，都一個人有2串，不過烏冬分量會少D。湯有小小咸，如果多返D蔬菜可能會好D。 人均$200左右，不過不失，無想象中禁特別同好食。 Outdark: 旺角彌敦道613號飛達商業中心2樓 返回
