琴日同朋友去左佐敦一間隱世多國菜餐廳Flâneur。外面都幾靚幾有風格！旁邊都有一個open bar台，好有soho區feel，唔似去左佐敦。 內裡比較細、唔連bar台得5張台，但因為有個open嘅bar台，視覺上都闊落左好多！ 環境比較暗，但每台都有一個蠟燭，非常有情調。 頭盤：吉列熊本牛扒伴黑蒜醬 $98 ★★★★★ 吉列熊本牛扒伴黑蒜醬 $98 炸得完全唔乾、外脆內軟、非常juicy。黑蒜醬唔會過於濃郁，但又可以帶出鮮味。上面沙律減少油膩感 Risotto：意式香草烤雞義大利飯 $168 ★★★ 意式香草烤雞義大利飯 $168 Risotto裡面加入好多唔同食材、有蘆筍、洋蔥、蒜頭等等，減少油膩感，都幾特別。不過覺得烤雞肉較柴無味、似食緊魚肉多D 主菜：黑松露酥烤伊比利亞黑毛豬 $268 ★★★★ 黑松露酥烤伊比利亞黑毛豬 $268 其實食唔太出黑松露味，不過酥好香好鬆脆！黑毛豬好軟、完全唔會過鹹。但伴碟蔬菜先係精華！全部都好鮮甜又吸哂D汁！ 甜品：椰皇焦糖燉蛋 $68 ★★★★★ 椰皇焦糖燉蛋 $68 驚世無敵超好食！！燉蛋放入椰皇燉，蛋味濃郁，帶有淡淡清新椰皇香味！無諗過會噤出色！兩個人share完全唔夠喉！ 地址：佐敦官涌街3-5號煒亨大廈地舖
