2014年8月18日 今日我地冇book車,可以隨意控制出發時間! 以我地既個性緊係訓到晏一晏先起身食早餐,而且係冇化妝洗完面就行. 食完早餐返房又訓過hahahaha 冇化妝真係岩哂. 訓醒就換衫準備出發! 我地都帶左新買既滕籃, 好渡假feel. 因為聽日要離開哩間villa,所以我地出發前先周圍影下相. 我地既私家露台,不過除左哂衫同噴蚊怕水外都冇出過去坐haha 靚泳池,我地有係到玩過一晚 建築真係好靚好寫意,有幾晚係到收wifi. 影相證明去過!! 綠油油 大人細路都岩玩 點擊圖片放大 +2 好多小徑周圍穿 招牌唔係門口,係酒店中間 我地既大廳!跟polly學返黎既醜態! 我地間房!!! 見到鏡都要影相haha 之後終於出發啦! 因為冇book車, 所以第一任務係揾的士. 我地行左好耐都揾唔到跳標的士,又哂喎. 我心入面真係諗早知book埋ketut叔叔啦... 真係好想返轉頭call佢,但polly又唔太想咁. 最後都係上左架要講數既的士.不過之前我同polly有講傾定我地budget係幾多. "We would like to go to waterblow(景點),how much?" "70000!"我同polly心諗咁平!!!!!confirm多次就上左車. 首先架車超污漕, 好掛住Ketut叔叔架車. 第二我地諗多兩諗明明好遠點解咁平. 同司機講多兩句,原來佢聽左waterboom(水上樂園). 一定係個司機耳仔有事,唔係我地英文差ha 即刻車費貴左幾倍,我地死lur佢先150000. 其實我地預期120000?總之又搭貴車. 結果第一次係bali過橋. 落車果陣個司機仲不斷問我地幾回返去,車返我地返去. 我地即刻sayno!先唔要坐你架污漕車! 不過好彩我地都到左目的地! 果到仲有個露天商場咁,有好多餐廳. 之後一路行到海邊有超級靚既景色! 露天商場,仲有傳單地圖比我地,入去之前仲要比警圍搜袋先. Bali Nusa Dua waterblow!! 沿路好靚.又唔多人!! Beach. 入到去真係超級靚. 係門口都要影影相. 登登登登..藍天白雲加綠油油草地. 點可以唔影影??! 同天空合照, 雖然好靚,但好哂! 所以我地兩個傻婆成日行行下停低卒防曬.haha 點擊圖片放大 +4 我地真係行哂成個公園. 哩條路好靚,所以我地等冇人就影相. 影完後我部相機出現左10張哩兩條柱既相, 不過polly部相機應該20張,因為我狂禁影相制hahaahaha 我同個海好match!! 差唔多到water blow果到 咁藍既海,而且同天空兩隻色都好靚. 一見到咁既景色,人即刻放鬆哂. 大量岩石,岩石中間有個陸,當浪拍埋黎會濺到好高,企得近就會濕身. 有條路可以行到去好近,但因為濕危險所以封住. 但我同polly見人地都去結果又走去影相,仲要玩捕捉浪濺上黎果下. 講真我背住堆岩石行到好近等緊果陣,真係腳都震埋好驚haha 最後有個好大既浪,嚇到我地大哎之後即刻走哈哈 見到中國人,即刻叫佢地幫我地影相. 點擊圖片放大 因為佢地話"多拍幾張",所以出現左D好奇怪既pose. 完全唔捨得哩個海,所以不斷影!!! 咩樣haha影到唔耐煩?? 影多張合照我地就出發去第二到啦. 唔洗搭車,去左個沙灘. 點擊圖片放大 都係水清沙幼,本身我地係想落水玩,但係又冇人幫我地睇野,所以最後都係踢下水! 同影下相~~~~ 點擊圖片放大 +2 風景真係影唔停,polly相機仲要冇空間再影,變左佢不斷簡相del相. 可能最衰都係我,因為我幫佢影相都會狂禁haha(咁可以慢慢簡張靚ma) 利用涼亭自拍下先,真係無時無刻都要諗辨法合照. 踩沙踩到腳黑哂 好開心見到大西洋棋,之前day 2都見唔到,今日見到要即刻影相!!polly幫我影左三張. 點知??!!第一張,我隻腳吉到野好痛搞緊.... 第二張,我講緊野.... 第三張, 我合埋左眼. 之後睇返哩3張相真係笑死我!! 跟住我地係間大酒店到盪失路, 間酒店好大,分東南西北幾個位,有自己既shopping center, 我地行左好耐, 又唔敢問人. 見到職員同我地打招呼,我地即刻回頭微笑扮住客. 之後行到有d攰,我地比間甜品店吸左入去hahahahaaha 我至愛,藍莓cheese cake!! 仲有杯西瓜汁,重點係真係好好飲,係有西瓜甜味消暑感覺既西瓜汁,好想飲多杯! 朱古力波波,都好好味!!而且整到好靚. Polly揾左好耐既芒果汁,真係新鮮芒果味,唔係糖漿. 哩間餐廳仲有wifi,睇我玩得幾投入!坐左好耐 真係好嘆,我地坐左好耐. 埋單150000 (~HKD105) 之後搭的士去Jimbaran,係沙灘到食海鮮睇日落. 點知的士司機直接車左我地入間餐廳,揀都冇得揀已經入左去食飯... 望到menu我地都好驚,因為好貴.之後叫左幾野,至少我地夠錢比haha 椰子酒, polly飲,我覺得好難飲!!兩樣我唔中意既野溝埋. 魷魚. polly一定要食既蟹.好似玩具. 我地張枱係最近海!!冇人遮住!! 瘋狂自拍. 頭頂花花係侍應哥哥送,我估佢應該好想問polly拎電話haha 好大隻蟹呀!! 有湯飲,已經唔記得咩味. 日落啦~~~~ 點擊圖片放大 好靚好靚, 而且睇得咁舒服真係好正 跟住緊係要影相哈哈,不過果陣我應該對後面燒粟米有興趣D哈哈 侍應哥哥仲好主動幫我地影相. 入黑後張枱黑到咁.有傳統舞睇,同埋記得隻蟹殼好似好硬haha 哩餐飯真係幾享受,下次可以帶多d錢黎食!! 最後埋單450000 (~HKD$315) 回家搭的士先80000,而且架車好clean!! 返到villa沖埋涼開始執定行李. 因為唔捨得係哩間villa既最後一晚!! 所以我地又不斷影相!haha 正常合照. 跟住我唔小心影唔到polly個頭... 佢就拎左神棍突登唔影我,仲過份,我直頭唔存在係張相到.... 仲偷笑... 之後我地就搶鏡頭.唔知點解咁蒙瀧. polly扮猩猩 我要訓哂2張床! 癲婆!! 癲婆x2!! 點擊圖片放大 +2 比較正常既合照haha 我地既人地拖印,實係今日曬黑好多!! 點解我地人前咁正常,私底下咁癲婆haha 終於有張正常少少既做ending準備聽日早起身. 咁樣輕輕鬆鬆既一日,又睇左好多靚野,好充實! 今日全部洗費:1000000 一百萬!! 有錢人!! (其實係HKD$700)
