2014年8月17日 琴晚係我較鬧鐘, 今日當然係起到身啦. Polly當然係懶床, toilet 欣 first ( always) 因為今日一早要river rafting. 所以8點要準時上Ketut叔叔車出發去ubud.. 出發到比琴日更北部既Ubud! 今日終於可以慢慢嘆早餐~ Polly's 早餐,一條西蘭花, 好搶眼. My breakfast. 我地終於食到奄列,係即整,入面有蘑菇同煙肉. 之後8點上Ketut 叔叔車, 叔叔話要坐2小時左右. 仲好細心問我地帶齊野味... 我同Polly唔止帶齊野,仲自備被舖一上車馬上入睡. 加上我地係去濕身, 所以係睡衣look.訓得特別舒服~ 2個中好快過, 之後起身係車到搽防曬, 跟住發覺已經去左荒山野嶺. 沿路行去都農村feel,吸啖空氣都新鮮過人,開始期待rafting. 去到果到職員再三強調我地因為有熟人介紹(Ketut 叔叔)所以有discount. 至於平幾多係商業秘密. 換裝備,Polly頭細到要戴小童帽哈哈 Ketut叔叔主動幫我地影合照, 之後我地就比哂手袋佢同佢侄仔. 佢地出發到終點等我地,我同polly出發. 行好多樓梯落去river. 冇錯,係我拎電話去影相,note 1冇iphone5咁貴ma~~ 單人照型一型. 我地坐既boat.黃色既. 上船前影張合照,開始兩個幾鐘既旅程. 坐我地前面既係一家唔知邊到黎既(忘記了) 後面仲黑過我既係船長..(唔知點稱呼) 過程有時刺激有時平淡.但當平淡昤望下風景係好舒服. 因為我地係身處樹林中間,好正! 刺激時我地經常坐唔穩而跌左去前面或者後面. 中間我仲突然比個船長攬住,下一秒已經係水. 嚇死我,我唔識游水, 咁玩我.... 當扯住船長一陣後, 發覺......原來果到好淺水哈哈哈. 之後成船人落哂水玩,到危險時又上返船繼續冒險. 上船時我仲親吻了polly右腳 (好記得polly同我講:邊個準你親吻我右腳?) 我都唔想, 船長玩野同太滑!! 開始旅程時放左係船長到既電話.船長突登拎出黎幫我地合照. 一樣既表情, 同埋水打落黎係痛. 兩個幾鐘後到達終點.真心好好玩, 仲可以再刺激D. 頭先行左好多樓梯落river,衣家行返咁多樓梯上去. 其實玩完之後真係好攰,手臂酸痛,因為蛙掌. 腳好攰, 因為成日想hold住自己唔跌同行左超級多樓梯. 之後一到停車場已經見到Ketut 叔叔, 又好似大小姐,有人送衫黎. 我地即刻沖涼換左干既衫食飯. 頭仲係濕.. river rafting個費用包埋午餐任食, 但真係味道一般,所以食少少算了. 食完我同polly煩惱緊洗唔洗比貼士船長, 結果我地決定問下Ketut叔叔haha. 比左貼士同請左佢飲啤酒. 好似我地爸爸咁, 咩都問佢, 真係覺得我地請左司機幫左我地太多. 我地兩個太多唔識啦. 食完我地繼續今日既行程. 終於要去polly日講夜講既梯田,佢話衣家睇左唔洗返大陸睇. "Tegallalang" 梯田梯田~ 影相記念下!! 好靚!! 合照不能少.btw我地好白.我相信我地到哩一刻都味曬黑既. 正經同梯田影相,至於polly...... "等我一陣~" "戴返副眼鏡先." 哇,好型!! 梯田個名,睇唔明亦唔識讀. 題外話,次次我地亂拼景點名比Ketut叔叔聽,佢都聽得明haha 想更接近梯田,又行樓梯.. 我一馬當先, 周圍都係樹同草. 要過路費,話用黎修補哩d木板路, 我見人地比5000,我叫polly都比5000.(HKD 3.5) 有d路得兩條木.. 影相. 到我影. 不斷影相. 我地係梯田中間走黎走去. 都唔知算唔算破壞大自然, 大家都行黎行去,企唔會踩草既. 人地都係著波鞋行,我地就著拖鞋. 唔知係咪因為咁,我跌左落個田到.小腿插左入田入面, 仲要用手係泥到搵返隻拖鞋. 老實講,嚇死我,我成手相機,同埋如果我跌另一邊, 我會飛左落下一層. 之後成腳泥,我索性赤腳,真係行得仲穩. Yeah,我獨家體驗梯田d泥. 之後我都不知洗得幾辛苦...不過有個外國人同我一樣哈哈 跟住又行好多樓梯上返地面. 又到每日任務~~~ 雪糕時間,polly士多啤利乳酪味,我就kiwi味,好好味!! 然後上車去下一站. "Tegenungan Waterfall" 水比我想像中黃,但我地都當佢好神奇咁睇. Bali周圍都有好多樹, 好易令人感覺完全唔同..度假感覺 煩惱留係樹叢中然後走!! 為左影瀑布, 人樣冇左. 冇人樣既合照.. 有樣冇瀑布~ 唔覺意沉醉左係自拍,冇理瀑布. 經常揸機手震震震.. 後面落雪?! 兩部相機影出黎色都唔同..原來用我相機會白d.. 兩個身痕見到樓梯又落..意味住一陣又行返上黎. 今日到底要行幾多樓梯.. 發現小瀑布. 係咪去左黃河?! d水泥黃色. 點擊圖片放大 自己自拍影合照again. polly偷拍,認真準備計時自拍. 點知有個靚姐姐主動話幫我地影合照. 點擊圖片放大 終於我地有張難得既似樣合照.. 影完相行樓梯,我行到喘哂氣,覺得自己老左十年. 同埋經過今日, 一定瘦到哈哈. 上到車,Ketut叔叔問我地唔係行左落去ma? 我地話係呀, 佢即刻oh! 應該係鄧我地攰... 事不而遲,又去下一個地方. 一間要著紗籠眉廟,好開心我地終於著紗籠. 地方好大,感覺好好. 哩位施主,你好! Polly至愛,影一張左. 再影一張右. 我企到同後面座建築物成直線. 我真係好中意我件紗籠,我又白色衫好襯.好想著住走. 細心睇先見到我. 點擊圖片放大 +3 幕後花絮! 攰得制,見到有位就想坐,其實係轉下pose.坐得幾端莊. Polly唔準樓計! 點擊圖片放大 行極都仲有得行.polly不斷影景,我又影. 合照, 影唔哂. 再影. Polly魔女!!!!!!!! Polly紗籠都好靚,藍色. 最後又係Polly愛門,真係周圍都見到. 紗籠最後還返比廟, 我地就上車回家去啦. 返到Kuta,天已經黑. 我地返到酒店放低野就去食晚飯. 仲順便又行左Kuta一圈. 我地酒店一行出去就係酒吧,sky garden好出名. 雖然好近, 但嘈唔到我地酒店. 再行過d雪糕店, polly又攝左過去,我又拉住佢走. 要食晚飯呀,polly! 人地餐廳表演,個個唔入去食,但就企係門口睇表演haha. 哇,完全係人影我又影.識發光既結他!! Wendy's .... 我間餐廳!! 之後又買左手信. 其實我地一路行一路搵餐廳食飯. 因為我地覺得錢洗得太快,所以想食平d. 但最後冇心機再搵就入左哩間應該唔算平既. lassie類, 因為有wifi,我同polly都沉醉係電話到. 我們的晚餐.(HKD140),食飽之後我好想即刻走. 因為有好多蚊咬我!!! 出到餐廳, 我成腳咬咬腫左.polly咩事都冇. 返酒店途中,我係遠處見到有個人揹住條大蛇向我既方向行緊黎, 當時條路好窄同多車,我走唔到. 結果我停低左,貼住人地餐廳加望住一堆外國人叫polly. 最後果個人係我後面行過,我先郁返, polly話好多人笑我. 之後又去便利店買野飲. 返到酒店,我地好快沖完涼洗好面. 我直頭係full左塊mask訓落床就訓左. 再醒時已經凌晨兩點幾.熄哂燈. 但我塊mask仲係塊面到,姐係我full左2個中. 而且味較鬧鐘. 望一望polly,佢冇mask,第二朝問返佢. 佢話佢都訓著左.但早過我起左身熄燈同洗臉. 我即刻問佢點解唔幫我除左塊mask,會吸返我既水份嫁. polly答我佢都唔肯定好唔好幫我除.. 原來有paper mask可以full過夜嗎? 不過哩日真係好攰!!雖然係咁,我地都有計錢. 唔計比Ketut同river rafting既錢. 今日洗左Rp600000(HKD420) 過得好充實既一日,除左有d攰(我地一上車咩都唔洗講,訓教!) 明天係我地自己去闖既一天.
