2014年8月15日 琴晚臨訓前同polly講好左, 由Polly叫我起身,之後一齊去睇靚日出... 點知?係鬧鐘響既時候緊係唔願起身啦. 我亦大安子意等Polly拍我... 點知到我醒果陣望一望電話... 已經10點鐘haha.. 講好負責鬧鐘果位? 仲係隔離訓到豬咁..haha. 我叫醒polly同佢講已經10點, 佢哦完又繼續訓..所以我去洗面換衫先啦.. 真係晏到早餐冇得食,人地執房都已經做緊野.. 我地變左冇得比人執房lu... 搞完一輪,終於出發啦. 今日既目的地係seminyak Bali 南部~~ 出去時都11點幾, 所以我地決定去到seminyak先食野. 好好彩坐到跳標的士,唔洗講價,50000蚊. 的士中,見到靚靚藍天,真係好舒服! McDonald建築好有特色! 我地一上車就話黎哩到,點知的士司機中間掉低我地話想載第二個. 結果我地行左一陣, 好彩到哩到都冇盪失路. 點擊圖片放大 Seminyak係一個小鎮咁, 一邊係好多舖, 另一邊全部酒店.. 但d酒店全部要行好多路, 我同polly都話好彩冇簡住哩到. 之後就開始盪失路,條條路差唔多. 地圖唔識睇, 問人又驚要買野先.. 所以不斷亂行... 盪失路期間都要影影相, 咁先係旅行. 雖然我地就仲味食過野... 搵唔到旅遊書果間,但揾到間超級似既. 我諗佢應該係轉左招牌!! 2pm 食lunch~ 等野食期間又亂影一餐... 哩間餐廳雖然唔豪華,但勝在夠地道,外國人都食.. 仲有呀,我地行左1-2小時,但仲坐係冇冷氣既餐廳食野. 如果係香港,真係完全冇可能!! 點擊圖片放大 哩到擺左不同既餸比人簡,我同polly都唔識去簡好蠢. 不過叫既都好味.No MSG唔知真定假.. Chocolate milkshake and banana milkshake? Bali traditional food. Mixed rice~ Roast chicken rice.The spicy sauce is soooo delicious. 飯後甜品, fried pineapple..haha special taste.... 點擊圖片放大 循例影影相.真係食左嫁haha 食飽左去shopping~~ 我地兩個行左好耐market. 買左700000, 姐係港幣600到. 行完之後,每日必做任務之一~~ 突登食特別味, 但已經唔記得係咩味啦...(25000) 之後行過見好多魚, 所以塞左隻腳落去. 點擊圖片放大 第一下放落去, 真係超級痕. 但慢慢又好舒服!! (35000/15 mins/person) 同埋比魚食完好似真係冇哂死皮呀. Happy Experience. 試完哩個我地企圖要行去seminyak beach附近既princess restaurant. 但行左好耐都唔到. 所以又決定坐的士. 今次行左好耐都冇跳標的士所以一上車又好貴. 仲要去唔到目的地,佢叫我地落車自己搵下. 但又係行好耐都揾唔到,好灰.. 我同polly都深信我地係會瘦, 同埋好攰, 所以又食甜品呵呵. 我好耐冇食香蕉船!!! 食完都6點.我地都決定返去休息下. 所以又搭的士..有跳標..但都係唔到目的地. Polly仲係的士到訓著, 搞到我想訓都冇得訓... 話說個司機又搞錯我地酒店既位置,所以我地又落錯地方. 落車地方同我地酒店係一頭一尾, 所以我地行哂成個Kuta Beach. 意外地又見到日落. 仲有Polly至愛既廟門! 係沙灘行到腳軟, 終於返到酒店. 7pm.我地決定去享用下泳池,而且順便收wifi~ 點擊圖片放大 新買既泳衣都著過, 我亦係泳池到甩哂眼線... 我地玩完一輪,收完wifi.都玩到9點到我諗. 一起身就係好凍.所以我地係跑返房, 直接衝入廁所淋暖水.果刻真係慶幸我地係住地下!! 跟住我發覺頭髮kick住哂,所以同polly講不如洗完頭先出去食飯. 於是我地就一齊洗頭,慳返d時間! 10pm.換好衫肚餓到飛起.出去揾食. 一出去食左件pizza. 隔離賣雪糕,polly已經吸左過去, 我即刻拉佢走,唔係今日會食第三餐雪糕. 最後又去左地道普通餐廳食野. watermelon juice and pineapple juice. 淡... Shrimp 其實就粉多.. Satay串燒,睇住員工開返個爐整比我地食,亦係地道一定要食! 細路仔心態, 食得多飯想食下薯條,其實好多外國人都去食burgers. Polly 哩張影到有d恐怖呀! 我地就係成日係到浪費食物. 其實真係冇諗過樣樣餸都跟飯. 結果我地係兩個飯, 仲有三文治. 都係食左100000~only. 非常方便我地酒店門口就係便利店, 買左水同飲品就返酒店沖涼訓覺. 只係一部分手信~ 根據上一次經驗,我地full mask對望係會笑死. 所以今次我盡量避開望佢haha 又計一計今日洗費, 今日支出: 兩人 1160000(港幣928) 心諗又應該要慳d啦. 聽日Polly唔死心都要睇日出,所以又polly較鬧鐘起身. 而且聽日我地有司機車我地周圍去啦!! 今日我同polly都有d領悟, 係Bali搭的士, 首先好難截有跳標既, 第二司機都開價開好高,你要係上車前講好價先好上車, 第三的士司機好多時車唔到你去目的地. 結論係記住要做好心理準備, 唔係會激死!! 講價都有技巧,要一開始諗定心目中幾錢, 再去問佢價,然後話好貴,就走. 跟住佢會叫住你問你想幾錢, 你就照講, 佢就會講第二個價比你聽但都仲好高. 所以你都係走,跟住佢就會比你想要果個價你嫁啦hahahaha. 我地兩個黎左兩日已經大約知點生存啦!! 2:00am訓教,5:00am要起身睇日出~
