3小時後, 我們到達Bali了!!! 2014年8月14日 7:30am 我地睇住飛機降落, 一望已經感覺到Bali 係唔同d, 唔係一個城市,冇急促感覺,可能因為咁加上我同Polly都唔夠訓, 見到出面景色,坐隔離個外國人係"Wow!!!It's so beautiful!!" 我同Polly係"係喎,好靚!", 我地係呆~~~ 落機好驚拎唔返行李, 因為機場職員都話好少有人轉機唔拎行李.. 不過好彩拎到. 之後急急腳想快d到酒店休息.. 睇旅遊書明明話坐的士70000-80000, 點知的士司機開價好高, 最後150000照搭.. 因為都攰, 又冇其他車... 不過我果下真係諗,我地哩幾日會比人呃幾多錢haha 好快就到我地一早訂好既White Rose Bali Hotel, 度假村feel.. 哩到係一棟棟咁, 每棟3層定4層,每層幾間房咁. 即使我地好攰, 但佢地check-in 時間係2pm, 當時先8am. 果到職員都好好人,佢地話盡快執房比我地, 叫我地去行一陣先, 行李就放係佢到. 於是我地拖住疲倦既身驅出去行下先, 我地一出去就不斷有人問"transport?taxi?" 原來佢地好多人有車就會扮的士搵錢. 亦因為咁, 我地黎到第一日講得最多係"No,thanks!". 8點幾應該食下早餐,但我地都冇精神冇胃口, 只有按本身既行程安排係Kuta周圍行下, 睇下兩邊好多舖仔賣咩, 跟住發現佢地好中意獅子開大口, 問佢幾錢,就話100000(HKD80),講價後可以用50000(HKD40)買到.. 就咁我地買左一條裙. 仲去左mcdonald食雪糕.我食mc 旋風,Polly 食新地樂, 兩個加埋HKD15,平過香港! 順便搽防曬~ 行行下去左Kuta Beach, 一去到首先好開心冇落雨. 好靚, 一層層藍色我好中意!! 循例影張合照. 雖然曬住,但完全唔覺得熱, 亦唔會流汗! Kuta 只係成個Bali既一小部分, 但我地好似行極都行唔完咁. 見到隻大龜又影下. 沿途好多人Sell絲巾, 紋身, 紮辮,但我都冇咩心機,好攰腳軟.. 之後見都11點am,返去睇下入得房味. 點知我地就開始迷路啦.. 開頭行錯方向, 之後周圍轉彎, 白行左好多路. 最後12點幾先行到返去,一返到職員就話"your room is ready!" 太開心啦!!於是帶住行李坐果D高爾夫球車去到房門口(其實就1分鐘路hahaa). 哩個係大廳, 行入去就係我地房. 望到既門係出小陽台.放埋行李仲有位比我彈黎彈去,夠大!! 廁所門,隔離全身鏡. 哩塊鏡唔錯,可以影低我地每日著咩衫!! 我地張床,右邊係我既, 我自己霸左, 冇同Polly 商量過haha 我地住地下, 小陽台好靚,仲有得曬衫. 入到去,除左好靚好靚之外,仲已經開好冷氣比我地,好舒服. 好開心黎緊5日都係到住!! 我同Polly好快沖完涼洗完面, 就決定要首先享用下張床. 於是我地2點訓到5點,較好鬧鐘要去睇日落!! 起身雖然仲想訓, 但都係乖乖起身,唔好浪費哩一日!! 一出酒店門口,就係爆炸紀念碑,之後我地都稱佢為"爆炸"haha 用自拍神棍合照, 角度太差, 影到太肥啦!! 同樣係Kuta Beach,但朝早同夜晚黎係完全唔同. 景色真係好靚, 第一次親眼見到咁靚好感動! Polly 至愛日落景. 懶有feel 相, 點解我果張望落去冇咩feel haha 神棍合照, 幾靚唔錯!! 睇到唔捨得走,但決定去下旅遊書推介既Beach Walk行下. 好多草果到就係BeachWalk. Bali周圍都係外國人. 哩到同香港商場都幾似,有zara,topshop等名店,仲有food court!! 本來諗住係到食,但一心要食地道食物,所以就出返去搵野食. 入左間小餐廳, 但睇落叫幾高級. Strawberry and mixed fruit milk shake. 哩類飲品真係我地至愛! Chicken XXX 通常d字我地都唔明,照讀同查字典,所以唔記得叫咩. 但入面有特別汁同雞, 好味的! Roast Seafood 好味, 有魚有蝦有魷魚,個汁又係好好味. GadoGado 其實係一堆唔知咩餸, 飯同花生醬,傳統地道食物,所以要試一試. 試過真係覺得好食,尤其岩Polly口味! 醫飽肚我地又去行下, 行小舖, 買左紮染圍巾,好靚質地又舒服! 返去前又去買雪條食. 返到酒店發覺係房連唔到wifi,要係大堂先連到... 所以我地坐左係大堂玩電話... 冇冷氣但一d 都唔熱, 不過會比蚊咬. 印象中玩左1-2小時, 我地就返房沖涼full mask訓教. 我地仲好乖計好左今日支出再訓, 今日支出: 1192000 (HKD850)/兩個人 真係訓果陣都已經差唔多2am, polly 話第二日早起去睇日出. 所以polly負責較鬧鐘,第二朝要5點起身!!
