薯仔價錢親民、營養高又飽肚，粥粉麵飯食到悶不妨用薯仔作為主食~ 今次就利用唔同嘅方法炮製薯角，廚藝新手一樣搞得掂！「黃金薯角三式薈」#素食譜材料：小薯仔 12個羽衣甘藍 少量士多啤梨 少量紅桑子及黑桑子 少量白松露油 少許胡椒鹽 少許各式香草包括雜香草、百里香、羅勒草、番荽氣炸鍋做法：1. 薯仔切半2. 用焗爐紙鋪在氣炸鍋上，放入薯仔3. 掃上白松露油，灑點胡椒鹽再灑雜香草4. 用180度溫度氣炸，15分鐘左右便可傳統煎炸做法：1. 倒油落鑊，油滾後轉為中火2. 放入已切開的薯仔，煎炸成金黃色，灑點胡椒鹽及香草3. 因油炸時所釋出的香氣不及烤焗，可額外多放香草** 最後分別盛上木碗，佐以香脆的羽衣甘藍、香甜的士多啤梨、紅桑子及黑桑子。
