後日就係母親節啦,要表達孝心梗係要落手落腳自己煮啦~食素健康啲之餘,仲可以趁住佳節為媽咪做件慈悲事,何樂而不為?「甜茄沙律菜伴沙薑素雞」材料:素雞(純素)半邊沙律菜 1盒 車厘茄 20粒調味:沙薑醬、芝麻醬、牛油果油或芥花籽油做法:1. 半邊素雞解凍,切件切塊;2. 在素雞件兩面都掃上牛油果油或芥花籽油;氣炸鍋以150度左右焗20分鐘;3. 洗淨沙律菜後鋪在碟上,可用芝麻醬或沙薑醬拌沙律菜;4. 車厘茄洗淨切半,用作伴碟;5. 把焗好的素雞放在沙律菜上;加上已備妥的沙薑醬,即成!#素食譜