未去之前就聽說英國成日大風大雨，到埗就即時見識到。 在Central Bus Station等車時，每當自動門打開，就特別凍凍凍… 要知道明明在香港仍然好熱，飛到英國突然降到得十幾度，真係唔適應。 幸得朋友提醒，來之前就買左件防水防風褸。 在英國的雨天真係靠晒佢，因為大風到遮都吹爛，所以呢邊好少人擔遮架。 之後我都問過個英國flatmate，佢話英國人唔係唔擔遮， 而係落雨落得太突然，冇人會時刻帶住把遮出街。 呆等4小時後，終於出發去學校。 機場附近的道路跟香港沒差很多，感覺沒離開一樣。 遠離機場，終於有點英國味道。 去到學校搞掂晒入hall嘅手續，抖左陣就見晒d flatmate， 自我介紹一輪就一齊去超級市場買日常用品。 搭完長途機，又舟車勞動，都冇乜胃口， 原本諗住第一餐食飛機剩返個包就算， 點知有個人為成個flat煮左餐， 亦成為我在英國嘅第一餐。 平日英國人最鍾意做咩呢？食完晚餐就有人提議落pub。 早聽聞英國人鍾意clubbing，估唔到第一日flatmate就話去，咁就去見識下。 佢地個個都有備而來，又背心又短裙，我就繼續牛仔褲… 我個hall對面街轉角就成條街都係pub，間間都排晒隊。 正當排到我地要入去時，原來要check ID card！ 我冇帶，有個人就陪我返去拎。 終於入到pub，除左強勁嘅音樂就嘈到乜都聽唔到。 同佢地跳左陣舞，我同另一個人就走先。 英國嘅第一日就係咁過去。 緊貼更新，請LIKE https://www.facebook.com/wingwingwingin 。 每個Like都是我的原動力，謝謝。:)
