上年去英國，對我的意義很大，是值得紀錄的一年。 回香港幾個月，慢慢整理返d相，回憶湧現。 我將好散亂嘅記憶畫左好多個mind map，襯仲記得就寫低先。 返學，生活，閒遊，旅行…經歷很多事，都遇到很多人，該從何說起呢？ 從來都覺得要踏出第一步唔容易，就好似決定要去英國嘅時候。 不如先講下我離開香港那天。 雖然我初中就好想去英國留學，但咁大個女， 第一次獨自出門， 第一次坐長途機去到咁遠， 第一次要一個人生活， 其實好唔捨得香港。 我就係懷住呢種矛盾嘅心情出發… 往機場途中，我異常平靜，屋企人都係。 或者我地都唔係幾識表達，但我在沉默中感覺到佢地都唔捨得。 我一直默默不作聲，為左忍淚。 我寄完行李，知道真係要走， 最後都忍唔住喊住返去搵爸媽話得29KG咋。 爸爸明知我點解喊，仲可以講笑，問我係咪覺得蝕左？ 呢句令我又喊又笑，極其樣衰， 跟住望下周圍見好多一家大細送機都冇喊， 我就即刻好努力收返d眼淚。 寄完行李好似先5點，7點機食飯又唔係， 唔知做咩，屋企人就催我入閘。 行去閘口前，我知道佢地一直望住， 但我冇回頭，因為我怕望返轉頭，眼淚會失控。 入到禁區，有朋友在機場工作來送機， 其實明知自己眼淺，我唔會送機，亦唔會叫人送機， 但有人陪住係安心d架，謝謝你。:) 緊貼更新，請LIKE https://www.facebook.com/wingwingwingin 。 每個Like都是我的原動力，謝謝。:)
