點擊圖片放大 +7 屋企用咗20年嘅Rhythm 麗聲音樂掛牆鐘最近因爲電池漏水壞咗, 物色咗好耐, 本來諗住再買個麗聲鐘, 貪佢Made in Japan夠襟用, 但搵下搵下想換新款, 諗到改用咕咕鐘, Rhythm有出, 一款平啲嘅得雀仔叫, 另一款貴啲嘅有雀仔叫同音樂但只得一首, 始終咕咕鐘最正宗都係德國做, 最後決定買德國黑森林生產嘅Cuckoo clock.咕咕鐘有好多款, 要考慮好多嘢 :- 款式 : Charlet, Carvet, Shield, Antique- 機芯 : 手動上鏈行 1日定8日 ? 石英機芯? - 隻雀仔咕咕叫, 要唔要加音樂? 如果揀Charlet款要唔要有人跳舞等等原素? - 德國黑森林認證, 牌子, 性價比等等 ?總之就係好多嘢要考慮!!!本來買德國咕咕鐘, 正路應該要買機械8日鏈, 但以前老豆買過唔夠一年就壞, 又懶得成日要上鏈, 所以只考慮石英機芯. 我想要除咗咕咕叫外, 要有其他特色嘢喐動, 最後揀咗呢個應該係性價比最高嘅一款咕咕鐘, 我要嘅原素都有齊, 網購有樣好, 落單唔夠一個禮拜就到貨 (包保險, 無條件退貨).利申 : 我手多多拆開隻Rhythm舊鐘, 發現電池漏水溶咗啲錫, 條電線甩咗, 買咗隻辣雞, 焊錫線, 焊一焊, 隻鐘當堂翻生, 宜家多咗隻鐘😅!!00:00 Cuckoo叫 (Opening)00:09 開箱01:21 咕咕鐘細節02:00 3粒C型電池02:30 咕咕鐘安裝03:08 每一小時雀仔叫一次, 調到06:00所以會叫6次, 之後再播放音樂(共12首音樂)
