【開箱試玩】ZHIYUN Crane M2穩定器 x Sony ZV-1 開箱/調平/Wifi連接 MV | One Direction - Story Of My Life買咗部Sony Zv-1, 就算用數碼防震開到最勁, 手持拍攝都係震過貓王, 無計之下唯有買穩定器, 政府消費券8月1日一到即買, 最後揀智雲M2, 因為夠細, 夠輕, 但呢類卡片型/無反穩定器都係一樣, 連接相機都好鬼麻煩, 就算調平完, 有快拆板, 有設定刻度, 每次使用都係要再微調. 解決方法就係設定好, 調平好, 就直接放入保護袋帶出街, 唔係咁做, 去到景點, 突然想拍片, 攞出嚟調完都唔想拍. 除了以上問題, 智雲一定好過另一牌子XX, 佢function多唔代表會用, 調平已經咁煩, 間中影一次, 學識晒d function都會唔記得, 以前用過XX Gopro穩定器, 差到話過以後都唔會再用!
