2021年6月繼續Staycation, 今次帶老豆老母嚟到九龍海逸君綽酒店提前慶祝父親節, 上次住過香港海逸君綽酒店覺得好正, 呢次住埋九龍呢間, 房間size比香港大, 新裝修比較舒適, 窗口又夠大, 海景景觀唔錯. 呢間酒店一樣有好多款package, 揀咗海景房包$1,600餐飲, 搞盡惱汁點可以盡用, 最後決定提前避開父親節正日(餐飲會加價), 10:00 check-in, 11:00去貴賓閣book下午餐同Cocktail餐飲時間, 因為週末, 酒店限定餐飲時間"一粒鐘"一粒鐘" 係"一粒鐘", 12:00先到THE PROMENADE食自助午餐, 15:00去19/F貴賓閣lounge飲下午茶, 呢個lounge同上次北角真係無得比, 無景觀可言, 又無咩嘢食, 仲要你一粒鐘食完彈起身, 佢提前5分鐘就提你好走, 唔好以為可以extend就算無客, 好無隱, 下午茶時段無啤酒飲. 18:45 Cocktail時間先有酒飲, 食物一樣好少, 大部份炸嘢得幾樣嘢食, 好失望. 揀自助午餐係諗住晚餐都唔會餓, 係lounge食就啱啱好, 算啦, 飲飽當食飽.第二日早餐一樣係THE PROMENADE食自助早餐, 又係得一粒鐘食, 15分鐘前就提你要起身, 最後仲夠錢去水雲間食set lunch, 2日一夜食足5餐, 雖然無北角個間平, 但就食多咗一餐, 如果要揀, 一定一定一定係Harbour Grand HK, 仲一定一定一定要係平日先好去!港島海逸君綽酒店~帶老豆老母Staycation (母親節篇)https://youtu.be/dqRu586YLqU點擊圖片放大 +11