2020年11月繼續無得飛,疫情仲越來越嚴重,今次去百年歷史嘅半島酒店,真係名不虛傳,設備,服務,食物都超越五星級。入住17樓1715室,豪華海景套房,房間超大,107平方米/1,167平方英尺,係樓層單邊,同其他房間稍為分隔,非常安靜,完全無雜聲,客廳正望灣仔會展,景色好好,左手邊睇日出,右手邊睇日落,一次入住滿足兩個願望,如果再高層啲就完美,通過走廊去到睡房區,有兩張梳化望海看日落,好浪漫,再進入就到衣帽間,最後才到達沖涼房,轉角超大浴缸一路浸可以睇城市加維港景,又可以睇住電視浸浴。Reach For A Star” stay-and-dine package包3餐,嘉麟樓晚餐6度菜,米芝蓮一星保持超高食物質素和服務無得輸,加購2杯香檳酒HKD150+10%。早餐係露台餐廳,不過不失。午餐係大堂餐廳,環境高質過食物本身。結論,整體價格係比其他酒店貴,但完全唔會有遺憾,絕對值回票價!真係好正?!7分鐘參觀107平方米/1,167平方英尺豪華海景套房點擊圖片放大 +20