第三次黎台北，對上一次已經係5年有多， 所以特別掛住佢地嘅「火哥」，前兩日已經online book左鼎王旗下台北嘅無老鍋，一落機即刻有得食！ 網上訂位： https://www.wulao.com.tw 佢地真係旺嘅， 唔book可能要到11PM先有得食。 所謂無老鍋就係佢地嘅湯底加左好多藥材 令你食左健康D 冇咁易老之類啦 但我相信大家食火哥其實都係追求味道多D嘅 =P 左邊招牌麻辣 右邊係獨家豆腐雪糕仲有條人參添！鴨血同麵包豆腐係任fill的！ 嗯嗯．．．上面咁似小雲個friend（暴露年齡系列）咁可愛嘅兩個小朋友就係豆腐雪糕，佢唔係一舊真雪糕，跟指示放入個鍋10分鐘後食。陣味係似豆腐雪糕，入面熟左嘅texture似馬拉糕，幾特別，不過你Expect一樣甜嘅野佢變左咸係有D怪怪的。 D咩和牛呀， 黑豚呀， 一定有嘅。不過想推薦上面幾位甘草演員多D，最左嘅係水蓮小姐，台灣人，一分鐘食得，脆口兼高纖，為未來幾日嘅放縱飲食打好個底先；中間係豆皮伯伯，響鈴個friend，不過佢年紀大D，豆味濃D，有咬口D；右手邊係干貝滑BB，有足帶子鮮味仲撈左乾瑤柱添！ 食到咁上下，佢地會送個蜜桃乳酪沙冰俾你消下滯，用shooter杯裝，令你想一啖啪左佢！ 食到飽一飽，為左再食下一餐，我地決定去行山！ 台北象山睇夜景好出名，而且只需行15-30分鐘左右就可以影到連埋101嘅台北夜景，就連當地人都會去。個感覺就好似香港嘅嘉頓山咁，近市區，快到，市內夜景。 搭捷運去到象山站2號出口，沿途都有指示引領你。 親～～到了 預備直上樓梯，沿路都聽到D 「呀。。。還有多久呀 好累哦」，其實行吓唞吓係絕對冇問題，有行開山／做開運動嘅更加係easy job。 沿途會有好多金句同呢D說話鼓勵你 佢驚你唔知呢度係邊度，所以做左好大隻字。 行左20分鐘到，就到左攝影平台，可惜當晚天氣麻麻，好大霧，搞到101都冇左個頂，得番100 （媽～～好爛呀～～～） 行多5-10分鐘就到左六巨石，可以繼續影夜景，又或者影下石。。。。 落番山之後，我地搭番捷運去東門站嘅永康街，做完運動又可以再食過 ＝） 維持一貫風格，有D餐係完全冇Plan食咩，去到睇環境再決定，永康商圈出名多野食，相信點都搵到好野。 經過一間叫雙連文花枝焿 （一search之下都係好出名嘅，不過本地人食多過遊客），心郁郁想試下，行入D仲有個位俾你堂食，個格局係全部黃燈，幅牆畫到花哂，仲有個小學生做緊功課，睇黎係老闆個仔，幅牆嘅傑作都可能係出自佢同其他食客嘅手筆。 佢個花枝出面好似再包左一層花枝漿，咬到入去係好彈牙嘅花枝，個湯我估係加左魚去煲再加勾芡做成焿（羹），裡面仲有醃漬蘿蔔，加埋幾滴黑醋，係好食嘅！而且係比較少喺香港食到嘅味道。 店家嘅溫馨提示有時真係唔可以唔聽，輕輕加左少少，都係一種刺激嘅體驗，可以試下。 雙連文花枝焿： 永康街與金華街交叉口，金華街154 號 行行下見到好多人食嘅永康刀削麵，又入左去食，嗯。。。佢係屬於本地人都好鐘意去食嗰隻，唔係嗰種幾百蚊碗牛肉麵，做得極細緻嗰種，佢有一種街坊嘅味道。 佢個牛肉湯底其實好飲，不過係偏清D嘅路線。 個麵幾有咬口，正當我地懷疑佢係咪人手刀削麵之後，我地就喺門口發現左原來係「機械人手刀削麵」，哈哈！ 永康刀削麵：台北市大安區永康街10巷5號 食完野口渴要飲番杯野，我地本身諗住去一間叫East End，介紹係日本頂尖調酒大師上野秀嗣 Hidetsugu Ueno全球唯一合作的酒吧，後來我地發現喺台北嘅清吧文化特別係受歡迎嘅BAR係要訂位先，可能係佢地可以食埋正餐嘅關係同埋希望易D 控制店內人流，所以我地就入唔到East End喇 T.T 後來個receptionist介紹左我地去附近一間叫BAR MOOD嘅，後來睇番介紹應該係台灣調酒師老闆阿Nick之前係East End Bar Consultant。 BAR MOOD入到去係企位，再裡面先係BAR枱同dinning table，都係走簡潔風，但我比較鐘意佢嘅menu內頁design，你會知道自己飲嘅野有D咩喺入邊，但你唔知mix左之後個味道係點，直至Bartender 將杯cocktail放喺你面前。 我地主要係叫左以台灣Kavalan Whisky 做Base嘅幾款cocktails。而且佢地用左好多台灣茶黎做糖漿，有烏龍茶、四季春等等。 一D都唔「姑寒」，夠哂whisky，而且仲有茶味同果香冇被蓋過，唔錯唔錯。 呢杯以森林為主題，喺個bar後面種左棵松樹，個garnish就係後面棵樹黎，另外一D松葉就用火槍燒一燒過，等佢散發松樹香味，等你聞一聞，再飲一飲。 最後呢杯「壽星公」，個造型好特別，佢本身應該會有九層塔同另一D材料味，但呢杯whisky似乎重手左，冇左其他應有味道，但你拎住個「爵」一飲而盡都有另一番風味。 BAR MOOD： 台北市大安區敦化南路一段160巷53號 係時候番酒店訓覺Z Z Z Z Z 。。。 更多遊記喺 https://www.uncle7world.com/category/all/travel/
