日本拉麵平時就食得多啦，反而日本撈麵真係未食過🤫日本過江龍「麺屋こころ」主打台灣風肉燥撈麵，喺日本極之受歡迎，而家香港都有得食，點可以唔試下呢？ 一坐低，就見到枱面有介紹食撈麵四步曲：首先將醬料攪拌均勻，享用1/3後添加黑胡椒，享用2/3後添加Kokoro秘製香醋，食完撈麵後，可以免費加入白飯，並攪拌成肉燥飯🤓🍚 🍝正宗全料東京撈麵賣相吸引😍材料好豐富，分別有炙燒豬腩肉、肉醬、糖心蛋、韭菜、蔥花、竹筍、紫菜碎、魚粉、生蒜及生蛋黃，再配搭自家製粗麵條，撈勻之後，麵條食落煙韌彈牙，又掛汁，十分之惹味，好有新鮮感😋要讚下佢嘅炙燒豬腩肉，真係入口即溶！叫咗L，真係太大碗，搞到我食唔到個肉燥飯😂唯有留返下次啦！ 🍝山椒麻辣撈麵(大辛）分別有炙燒豬腩肉、炸豆腐粒、麻辣肉醬、溏心蛋、紫菜、紅洋蔥、水菜、竹筍、紅椒絲及小麥粗麵條，呢個係期間限定❗️食落好香唔算好辣，味道較麻同好重山椒味，真係好刺激😂好啱食辣嘅朋友👐🏻 🍗單骨香脆雞翼外層香脆甜甜地好惹味，內裏肉質嫩滑，好好食 🥟雞軟骨餃子餃子皮炸得好脆，肉錎豐富，有口感😋 🍵日本玄米抹茶個樽好可愛😍味道香濃，茶味幾突出，重有少少回甘🫶🏻 ☕️日本麥茶食完惹味嘅撈麵，非常適合飲啖麥茶，清香順口，又解膩🍽️麺屋こころ @kokorohkg 📍灣仔軒尼詩道68號新禧大廈地下1C號舖#麺屋こころ #灣仔美食 #灣仔 #日本撈麵 #東京撈麵 #日本菜 #日本過江龍 #kokoro #japan #japanesefood #japanesenoodle #noodles #hkblogger #blogger #foodie #foodiehk #foodieblogger #igdaily #tea #japanesetea #eatwithfoodiez #kokoromazesobahk #kokorohkg #likesforlike #followforfollowback #yummy #foodpics #foodporn #太麵
