一餐賞心悅目儀式感滿滿嘅Omakase總是令人回味🥰視覺味覺幾享受，呢間真係非常值得一試💜 ☀️Omakase Sun $1380先付｜刺身三款｜御料理｜壽司九貫｜吸物｜甜品 《先付》分別有慢煮廣島蠔配魚子醬、柚子大根及柑漬，以三款精緻而美味嘅開胃前菜掀開呢餐Omakase嘅序幕 《刺身三款》▫️真鯛魚魔法泡泡，視覺滿分💯師傅先將鯛魚切成薄片卷埋放入半圓型嘅玻璃器皿，注入液態氮，利用肥皂液於器皿外層形成一大泡泡😍一陣間，就會迎來爆破一刻，煙霧彌漫💨真鯛魚表面灑上金箔、竹炭鹽，配搭魚子醬，鮮甜美味，層次豐富！亦都可以加少少紫蘇花一齊食，都幾特別呢🫶🏻 ▫️岩手縣米崎生蠔蠔肉好飽滿，加少少檸檬汁，食落好鮮甜，海水味較重，而且係好爽口，好正 ▫️毛蟹配海膽兩樣都係我嘅最愛😍用紫菜包住蟹肉加海膽，食落去真係好鮮甜，每一啖都覺得好滿足🥰 《御料理》西京春魚配海膽，表面灸燒過，十分之香！魚肉嫩滑細緻配上海膽，味道層次好豐富😋 《壽司九貫》選擇時令新鮮食材，由清新到濃味，以一個滿到瀉嘅海膽手卷為Ending非常滿足💜 ▫️真鯛魚加咗少少柚子皮，食落肉質細緻柔軟，味道清新 ▫️銀鱈魚用火槍炙燒過嘅銀鱈魚，配上黑松露醬，食落油脂豐富，非常之香 ▫️北海道帆立貝肉質厚身，加咗少少青檸汁，食落更鮮甜，口感很好 ▫️深海池魚質感鮮嫩肥美，入口魚油甘香細膩 ▫️金目鯛用火槍炙燒過嘅金目鯛，帶出魚油嘅香味，肉質鮮嫩細緻 ▫️海膽墨魚墨魚切成幼條加以調味，配上海膽，鮮甜無比，口感一流 ▫️沙甸魚用紫菜包住沙甸魚、青瓜漬及紫蘇葉切成卷，味道好夾，又靚又好食 ▫️中拖羅份量十足😍粉嫩色嘅中拖，肉質軟嫩，魚脂濃厚，入口即溶，令人回味！ ▫️北海道 秋山赤海膽多到滿瀉嘅海膽，真係不得了😍用紫菜包住滿滿嘅赤海膽，表面灑上淡雪鹽，令到海膽食落更鮮甜，口感幼滑，每一啖都覺得好滿足💯 《吸物》食完豐富嘅壽司，嚟一碗清甜嘅蜆肉湯，剛剛好 《甜品》草莓🍓赤肉蜜瓜，先食草莓嘅香甜，再嚟蜜瓜嘅清甜，為呢餐飯畫上完美的句號💜
