可以除口罩啦，真係好開心😝尋日即刻上網搵咗間居酒屋「Akoya酒場」嚟慶祝一下 裝修以深啡色木系為主，燈光柔和，座位之間設有日式屏風，私隱度極高🫰🏻而食物方面供應多款小食、刺身、串燒、鐵板燒、甜品及各種酒類飲品🤩 🐠原條池魚 $268是日精選之一，擺碟精緻😍食落肉質緊緻爽口，味道鮮甜，厚切特別有口感！配搭薑蓉蔥粒，味道層次就更豐富，好新鮮！ 🐡大吞拿鱼腩 $3604切，每一件都厚切😍色澤粉嫩，食落去魚油勁豐富，甘香肥美，好正🤤 🍥肉厚活3年帆立貝 $138好打卡able😍帆立貝加咗少少醬油、牛油及蔥花一齊燒，食落真係好鮮甜，口感一流🉐 🦪海膽汁燒蠔 $118一碟有4隻，蠔肉飽滿脹卜卜，炸至外酥內軟，配搭埋勁濃郁嘅海膽汁真係好惹味😋底下嘅菠菜可以中和下濃郁嘅味道，整體嚟講真係好好食💯必食❗️ 🍳明太子煎蛋卷 $78玉子燒入面包住滿滿嘅明太子，一切開即刻流曬出嚟😍玉子蛋味香濃又夠滑，配埋咸香又有口感嘅明太子真係好正，怪唔之得枱枱都叫❤️ 🍗免治雞肉串 $36燒得幾靚，口感扎實又有啲咬口，點埋蛋醬更滑溜😋 🍙三文鱼三文魚子燒飯團 $78滿滿嘅魚子好吸晴🤩飯團加咗醬油燒至外脆內軟，好焦香！配搭埋三文魚肉及魚子，食落特別咸香又有口感🫶🏻 🍜超濃厚雞湯烏冬 $88雞湯好濃厚，配搭滑溜又煙韌嘅幼身烏冬，仲有兩塊厚切叉燒、溏心蛋及蔥花！整體都幾好食，份量好足夠，食完好飽 🍮雞蛋布甸 $38自家製，一定要試下😍原來真係好好吃！布甸質地好嫩滑，焦糖嘅甘香令到蛋香味非常突出，甜度剛好，必食💜 🥛豆奶布甸 $38淡淡嘅豆奶味，唔會太甜，質地好滑溜，仲有兩粒好軟淋嘅黑豆點綴下 🥃麥燒酎梳打 $62淡淡嘅麥香味，入口柔和香醇，加咗梳打口感更好 整體嚟講，食物質素好高，食完好滿足😍特別係個🦪海膽汁燒蠔真係好有驚喜🫶🏻餐廳環境舒適，店員有禮，呢日平日嘅晚上都好熱閙🍻睇嚟真係好受歡迎👐🏻絕對值得再Encore❣️🍽️Akoya (尖沙咀)📍尖沙咀寶勒巷10號3樓
