天寒地凍🥶最好就係打邊爐，食完暖笠笠 今日嚟到九龍灣食下呢間「犇殿」，主打台灣火鍋吃到飽，多款特色湯底、不同級數嘅牛肉套餐、火鍋配料、台灣地道小吃、飲品及甜品，非常吸引😍呢日星期二嘅晚上都座無虛席，好熱鬧🤗分咗Qr code落單及部分食物自助區自取！ 🐮美國特選極佳牛肉 90分鐘吃到飽 $285 🍲桃膠土雞美人鍋湯底入面有桃膠、杞子、紅棗、淮山同埋一隻大雞髀🍗，藥材味幾重，雞湯濃厚，感覺滋補養顏，飲啖湯暖笠笠 🐄肉類多款肉類及海鮮任食，我就當然主要食牛肉🤤美國特選極佳牛肉，色澤睇落幾靚，食落肉味香濃，嫩滑軟淋，正😋encore咗好多碟，大滿足呀💯阿嬤燒酒雞，雞肉嫩滑，好香酒味，喜歡😍海鮮就蝦、魷魚仔及白鱔片，夠新鮮！ 🐠炸魚皮 及 嚮鈴好新鮮，魚皮好脆又唔會好咸，而嚮鈴都幾正，兩樣都係邪惡嘢😋 🥬自助區有大量蔬菜、丸類及麵類供自取，擺放得好整齊而且幾新鮮，最鐘意佢有皇帝菜、南瓜、粟米、油麥菜、金菇，呢幾樣都係我最鐘意食嘅😋 🍬西北麻吉燒最特別就係竟然有👀西北麻吉燒，我要特別推介下😂其實我係第一次見同第一次食，分別有芝麻味及花生味，麻吉燒個樣真係好似湯圓，但食落去口感更Q啲 芝麻味好香好正，食咗幾粒💯一定要試下！ 🥟小食區自助區有多款台灣地道特色小食，例如：椒鹽粟米、滷水猪手、藥膳雞腳同埋古早香腸都幾好味😋 🥤飲品有普通罐裝汽水、自家製無糖花茶及茶包熱飲，白桃烏龍好香桃味，好飲 🍨甜品可以自製芋圓甜品及雪櫃自取雪糕 或 雪條，全部都係任食㗎😍最驚喜係可以任食Haagen dazs及Movenpick 💕整體幾高質，食物種類選擇好多，上菜速度ok, 如果平日7點前埋單或者9點後入座，價錢會仲平D，咁就更抵啦！🍽️ 犇殿台灣火鍋 (德福廣場一期) 📍九龍灣偉業街33號德福廣場一期1樓F1號舖#犇殿 #犇殿古早味台灣火鍋 #台灣 #台灣火鍋 #台式火鍋 #火鍋 #九龍灣美食 #九龍灣 #美食推薦 #食評 #吃貨 #吃貨人生 #hkfoodie #foodie #foodporn #foodpics #hotpot #hk #hkfood #foodblogger #blogger #foodieblogger #likeforlikes #followforfollowback #吃到飽 #必食 #taiwan #eatwithfoodiez #icecream #who_foodies九龍灣
