位於銅鑼灣鬧市嘅呢間🇹🇭泰國餐廳「Chang Thai Restaurant & Bar」由泰籍大廚主理，將西式食材融入泰菜，推出各種fusion 菜，加上精美嘅擺盤，打卡一流😍最近仲推出咗限時優惠✨幸福摩天輪 「因為有你 二人套餐」只需$398，超抵食呀！聽個名都覺得浪漫💕 一出lift門，右手邊就有個搖搖椅花花打卡位😍入到餐廳，燈光昏暗，播住啲泰文歌，感覺幾舒服😌 👫幸福摩天輪 「因為有你 二人套餐」限時優惠 $398 原價$550 🎡幸福摩天輪呢個打卡一流，好夢幻呀😍分別有泰式生蝦、酸辣鳳爪、青木瓜沙律及雞棗糯米腸！泰式生蝦好大隻又爽口，辣🌶️得過癮😋青木瓜沙律口感幾好，好開胃！酸辣鳳爪味道幾好，而且好爽口👍🏻雞棗糯米腸好特別，味道都唔錯😛睇得又食得❤️一次過可以試到4款前菜🤗 🍲冬蔭功海鮮湯好足料，有青口、蝦、魷魚同埋菇🍄，啲材料吸曬湯底啲味，食落好正😋而湯底飲落酸酸地帶微辣，味道都幾濃，好惹味，最鐘意佢又夠熱，飲完全身都暖曬🤗 🐠招牌泰式青芒魚新鮮盲鰽起肉，炸到香脆，表面再淋上青芒果醬、芒果絲、腰果同埋其他配料，睇見都開胃呀😍魚肉酥脆又冇骨，配埋個酸酸甜甜嘅醬汁，又真係幾好食wor😋 🥥椰汁西米糕椰汁味好香濃，西米夠軟糯，甜度適中，好食😋 🍋青檸梳打青檸味幾濃，好解渴🍯香茅薑蜜薑味幾重，辣辣地，感覺幾暖胃 🍻Stella Artois大大杯生啤，飲落真係好爽 💕餐廳環境幾靚，好優雅，食物感覺真係好正宗，打卡都一流呀😍鐘意食泰國菜嘅要嚟試下🤗而家呢個🎡幸福摩天輪二人套餐🎡真係好抵食💯🍽️Chang Thai Restaurant & Bar (銅鑼灣)📍銅鑼灣駱克道459-461號The L .Square7樓
