餐廳「ZZAN」最近重新裝修完，全新裝演，仲推出咗4小時假日半自助餐，無限任添9款小食，啱曬假期盡情飲🥂盡情食呀😋 高背沙發、長木枱配上柔和嘅燈光，而且私隱度高，感覺好舒服😌另設獨立房間同埋音響設備，啱曬開私人派對🎉同埋餐廳都有得睇世界盃㗎🍻 🍽️Weekend semi-buffet brunch 12:00 - 16:00 $268 🔸頭盤(兩款）✨韓式醬油南非鮑魚擺碟精緻，入口好鮮嫩彈口，而且好入味😋✨意大利風乾火腿及芝士拼盤 芝士粒味道濃厚，莎樂美腸同埋火腿柔軟味鮮，帶有淡淡嘅果香，配搭埋沙律菜，清新🔸主菜 🍝燒豬腩肉扁意粉扁意粉用咗洋蔥🧅同埋橄欖油去炒，食落好香同埋質感煙韌，配搭埋燒到有少少焦香又爽口嘅半肥瘦猪腩肉，又幾正wor😋 🍝龍蝦汁海鮮扁意粉海鮮有蝦🦐、八爪魚🐙同埋帶子，加埋龍蝦汁令到個意粉食好鮮美，同埋幾有口感，好味🔸無限添加9款小食 🥬自家製韓式泡菜味道幾好，唔會太咸，感覺幾新鮮，好開胃🍅車厘茄伴他他醬車厘茄已經去皮，食落好酸甜，刺激味蕾之選😝🐙泡菜伴深海八爪魚八爪魚好爽口，配埋泡菜好開胃🦪芝士焗生蠔新鮮即焗，食得出生蠔好鮮甜，配埋芝士，正😋🧅脆炸法式洋葱圈炸得好香脆，完全唔油🍄牛油忌廉焗什菌什菌吸曬牛油忌廉味，好香呀，都幾好食 🐣炸雞炸得好脆，肉質好嫩又juicy, 點埋個自家製粒粒蕃茄醬，好食😋encore咗兩次 🧈牛油香草燒扇貝燒完後好香牛油味，扇貝食落都幾鮮甜 🧀芝士泡菜煎餅泡菜煎餅煎到脆邊，配埋芝士，又幾好味wor👍🏻趁熱食應該仲正 🔸甜品喺焦糖燉蛋呀，食落都幾滑溜，唔會太甜，完美嘅總結❤️ 🔸飲品要咗熱咖啡☕️同埋🥤可樂 💕餐廳環境好舒服，佈置得幾靚，食物擺碟精緻而且有質素，$268呢個價錢真係好抵食，啱曬假期嚟Chill下🤗仲有得加$任飲紅白酒🍽️ZZAN (尖沙咀)📍尖沙咀堪富利士道6-6A號爵寓3樓
