聽朋友講尖沙咀呢間「驚安燒肉商店」Cp值幾高，佢嘅九宮格好出名！最近仲推出咗新Menu😍過嚟食下先🙌🏻 🐮第三次盛合 $458🔸和牛壽喜燒店員會即場喺你面前用火槍燒，生熟程度自己決定，我要咗7成熟，燒完真係好香😍和牛肉質軟綿綿，肉味香濃，配埋個帶有黑松露味嘅壽喜燒汁，連埋飯一齊食真係特別滋味😋點擊圖片放大 🔸和牛盛合有3款和牛，色澤睇落好靚😍油脂較重嗰兩款，口感非常鮮嫩，真係有入口即溶嘅感覺，好正😋而油脂較低嘅一款，肉味就更濃，肉質都幾軟綿！ 🔸和牛棒 配 月見汁和牛棒燒到外層較乾身，但內𥚃仲係好juicy, 食落好香，又有啲口感，配埋個月見汁，真係一流呀😋 🐣柚子漬雞肉山 $48真係成座山咁多😮好誇張😂雞肉食落嫩滑帶有少少嘅柚子漬味，燒完點少少醬汁已經好正，真係超抵食👍🏻 🐥手羽 $38一碟有5隻，開邊上而且加咗少少調味料，燒到外層脆卜卜，食落好香，肉質嫩滑，好味😋想惹味啲，仲可以加啲七味粉落去燒😍 🍚紫菜月見飯 $28滿滿嘅紫菜，配上日本蛋黃😍唔使講都知好食😋 🍻Sapporo生啤 $48買一送一，真係好抵飲！唔飲就走寶lu😂 💕餐廳環境舒服，食物有質素，Qr code落單夠方便，枱面仲擺放咗多種調味料👍🏻呢日平日晚市都full booking呀, 想食嘅朋友記得book定位哦，咁就可以開開心心食燒肉啦😝🍽️ 驚安燒肉商店 (尖沙咀)📍尖沙咀金馬倫道48號中國保險大廈3樓C號舖
