聖誕就快到~ book左位食聖誕大餐未呢~~？ 聖誕大餐通常都係西式食物或自助餐 想再特別d，來個美味的星馬聖誕吧~~ 最近獲邀到位於Traders Hotel的馬來一菜館 專為食客帶來馬來西亞及新加玻舊城風味~ 係正宗星馬地道菜式啊﹗ 原來就係娘家附近、座落於石塘咀山道的酒店~ 星馬菜係我最喜愛的菜式之一 口味偏重十分開胃~ 海南雞呀炒蘿蔔糕呀油飯呀沙嗲呀 全部都好美味~~~ 以上食物馬來一菜館當然都有提供~ 以酒店嚟講價錢亦算ok啊! menu唔單止得字 部份dish有埋圖 唔怕點錯食物~ 另外仲有西式menu任君選擇 食星馬菜叫飲品 通常都係珍多冰、椰青、青檸梳打 依度仲有d特式飲品呀~ 粉紅色的就係玫瑰特飲 即係玫瑰味牛奶! 有助解辣! 飲落奶味重d，雖然玫瑰味好淡 但解辣功效真係一流!! 另外綠色果杯就係香茅特飲 底部好多香茅jelly，增加咬勁 一口同時品嚐到香茅特飲同jelly 滿腔清新香茅味!! 而且唔會好甜~ 酒店PR為大家介紹檳城所在地 emm~~~我地理比較差~~大家都係睇地圖啦~~ PR仲介紹左Chef Sunny俾大家認識! 原來佢之前在港島香格里拉酒店做左廿年!! 轉到同樣屬香格里拉旗下的馬來一菜館後 更特地親身到檳城考察 將最正宗的星馬菜帶返來~~ 當晚為大家煮左好多好多野食呀!!! 酒店十分大氣 只要大家想食都可以隨便點菜~~ 部份dishes更加係為我地特地整架呢!! 我一坐低就講明要食炒蘿蔔糕~~ 於是Chef就煮左兩種口味! 原味辣味較勁，怕有人唔食得咁辣 特別煮多碟少辣~ 炒蘿蔔糕最怕炒到散哂，依兩碟炒完都仲係整整齊齊~ 仲有豆芽、鮮蝦、菜脯配黑豉油炒! 甜中帶辣，好想用來送飯~~ 另外當然唔少得沙嗲串燒啦~~ 有雞同牛兩種選擇 肉質嫩口彈牙 配菜亦十分齊全~ 但我個人對沙嗲醬較為執著 唔鍾意好稀果d，一定要"杰"中有一粒粒的材料! 咁先至香口呀~ 馬來一菜館就做得到~~ 又唔會只有死咸! 配上肉串可以提味呢~ 差d想打包返去煮飯!! 配菜中有一樣野白色的，原來係正宗沙嗲配菜 -- 米糕呢! 正宗食法就係點沙嗲醬食 好喜歡米糕果種彈牙咬勁，仲有一陣陣米香~ 同時品嚐到沙嗲醬中的香味! 依碟"囉惹醬蔬果沙律"點睇都唔似沙律~~ 用上最新鮮的時令蔬果，仲有油炸鬼粒 配特式檳城蝦醬同芝麻 比一般沙律濃味 而且每一口都會好驚喜，因為實在睇唔出係咩食物~ 要食落口先知~玩味十足哈哈~~ 但所有蔬果都好新鮮! 充滿水份呢!! 馬來巴東牛肉我就冇食到了~ 因為我唔吃牛牛的~~ 聽其他blogger講好"lum"好好味! 我就食油酥薄餅，好鬆好香口! 又用來點沙嗲醬~~ 仲有絕對冇可能唔點的海南雞同油飯!! 平時我會"mit"走雞皮 但依隻海南雞我一塊都冇"mit"過! 因為佢係薄到冇脂肪架~~完全冇油膩感! 雞肉好鮮好滑!! 一d都唔"un"! 配埋我最愛的黑豉油 少少"杰"身帶微甜 再扒埋油飯入口，粒粒分明，軟硬適中! 人生有美食相伴真係美好~ 叻沙雖然唔係成日食 印象中味道係咸咸辣辣 依個檳城亞參叻沙就唔同了! 係帶酸味架呢!! 原來佢係檳城著名美食，湯底用上酸辣魚湯 仲有新鮮菠蘿、薄荷、青瓜、蔥頭、薑花(面頭果d紅色粒粒)及特色蝦膏 比一般酸辣粉清淡，又冇普通叻沙咁咸 反而感覺清新，好o岩我口味~ 本身我好少飲肉骨茶 但通常都係一小碗 以瓦煲盛載的巴生肉骨茶真係新鮮~ 以多種藥材及新鮮排骨製作而成 仲有脆卜卜油炸鬼 大家都讚不絕口~ 以為只有打冷先有蠔餅食 原來依度都有呀~~ 薄薄一層炸粉包裹著鮮美的蠔仔 香脆可口程度就好似食緊薯片一樣!! 蔬菜類都有不同選擇 由宜保坐飛機來的得意肥仔芽菜~~ 每一口都"索索"聲又多汁!! 通常滑"san san"的秋葵 (毛茄)都係用來煮咖哩 依度就切片炒~原來都幾好味! 只要克服佢個質地就ok~~ 馬拉盞炒菜當然不能少~ 惹味但不會過咸，仍然食到蔬菜鮮味! 差不多全部都係女生 叫一枱甜品都好正常呀~~ 咖央多士、三色冰、清湯、香蘭椰絲卷 仲有...OMG!!! 係榴槤布甸啊~~~ 最愛吃榴槤啦~~~ 一般酒店係唔可以有榴槤存在! 我只知道尖東某酒店同依度有! 整得出來喺酒店賣都唔會太大陣味 仲要係布丁! 威力肯定大減啦! 所以對於食入口個味都唔會太過期待 但竟然有驚喜啊!! 味道都好濃郁! 係一般甜品店果d榴槤布甸的double!! 香蘭椰絲卷係熱辣辣登場架~~ 外皮散發清幽斑蘭味 包住內裡用棕櫚糖炒香的椰絲 外軟內爽，依份微甜的dessert十分清新~ 三色冰(唔記得正名XD)係軟棉棉的棉花冰 配上玫瑰及沙士汽水味的糖水 仲有紅豆呀等等的配料~~ 一齊食口感十足~~ 今次可以同各位blogger一齊食星馬菜好開心呢~ 想過星馬風味聖誕，可以預訂馬來一菜館聖誕套餐啊~ 日期：2013年12月24、25及31日 時間：午餐 12NN - 3PM / 晚餐 6:30PM - 10:30PM *另加收一服務費 兒童聖誕套餐 (午餐) 沙嗲雞肉串燒 (3串) 檳城湯河 或 新加坡福建麵 雪糕 HK$120/位 5道菜聖誕套餐 (午餐) 印尼沙律 或 囉惹醬蔬果沙律 OR 沙嗲牛肉/雞肉串燒 (3串) * * * 巴生肉骨茶 OR 星洲香辣烤魚 * * * 馬來巴東牛肉配印度薄餅 * * * 檳城炒貴刁 OR 檳城福建蝦麵 OR 新加坡福建麵 * * * 馬拉盞炒羊角豆 OR 馬拉盞炒通菜 OR 炒芽菜 * * * 香蘭椰絲卷 OR 榴槤布甸 HK$220/位 兒童聖誕套餐 (晚餐) 沙嗲雞肉串燒 (3串) 或 馬來炸雞 巴生肉骨茶 海南雞飯 雪糕 HK$150/位 8道菜聖誕套餐 (晚餐) 印尼沙律 或 囉惹醬蔬果沙律 * * * 沙嗲牛肉/雞肉串燒 (3串) * * * 新加坡辣椒蝦 OR 馬來西亞式烤羊架 * * * 巴生肉骨茶 OR 星洲香辣烤魚 * * * 海南雞飯 OR 馬來巴東牛肉配印度薄餅 * * * 檳城炒貴刁 OR 檳城福建蝦麵 OR 新加坡福建麵 * * * 馬拉盞炒羊角豆 OR 馬拉盞炒通菜 OR 炒芽菜 * * * 香蘭椰絲卷 OR 榴槤布甸 HK$320/位 馬來一菜館 預訂：2213-6696 / thhk@tradershotels.com 西環皇后大道西508號香港盛貿酒店2樓 我的專頁：https://www.facebook.com/whitericebeauty
