近年越來越多牌子推出各種家居美容儀器 洗面呀導入呀，甚至脫毛同laser都應有盡有﹗ 當中最hit應該係洗面機，幾乎每人都有一部﹗ 雖然好hit，不過我就從來都未入手~ 因為好多機都係由美容品牌出品 而且都要用該品牌產品一齊用! 部機本身都唔平，如果再配合埋指定產品 成本太貴了~~~ 但係見人人都有，完全冇心動都係呃你啦~~ 正當我差d走去買一部時，突然獲邀試用!! 就係Hitachi Hada CRiE Hot&Cool日立溫熱冰肌離子清潔及保濕器!! 而且係未正式於香港launch~~ 我地係第一批試用呢!! 正式試用之前，Hitachi特別安排美肌workshop 由Hitachi工作人員介紹依部機，仲有教大家點用 對我依d科技盲嚟講係一件非常貼心嘅安排!! 一直未入手另一原因就係怕難搞~~~ 聽完簡介後發現其實都唔係咁難用~ 部機共有4個mode及3個強度，而且好聰明地會自動關閉 做完一個mode就自動跳下一個 只係得幾粒掣，唔係想像中咁複雜~ 上完workshop大家好開心咁每人一盒拎返去認真試用~~ 一盒Hada CRiE Hot&Cool配件包括 主機、2個膠圈、電線插頭、機座、產品簡介、使用說明書 有2個膠圈唔係一齊用架~ 萬一唔見左都有多個圈做後備~ 而電線插頭係香港適用，唔洗特登走去買轉插，方便又安全﹗ 主機正面有3粒掣同溫熱導頭 溫熱導頭以鈦金屬製，可以有效地將化妝水塗勻全面 每次用只要按開關，第一個mode自動調左去第一步 “Hot Cleansing” 然後再調較 “Level”就ok~ 由Hot Cleansing到Hot Mask都係用依一面個頭去做 最後個step “Cool”就用背面個鋁製冰肌冷卻導頭做~ 試用期間都有跟從Hitachi建議 每日用哂4個mode~ 強度方面，敏感肌就最好先由 “Low”開始 用之前要記得先卸好哂妝，塊面表面上已潔淨就可以開始用~ 同埋要插電呀~~~ 先將一片化妝棉平放於溫熱導頭上，再用膠圈套實 然後隨手拎屋企一支化妝水整濕整片化妝棉 依度要小心整濕哂部機! 始終係電器所以唔可以濕水架~ 小Tips: 化妝棉面積要大過溫熱導頭，不宜過厚或太薄 要用化妝水令化妝棉濕透以便導出導入 化妝水最好冇色，方便之後檢查有幾dirty~~~ toner個頭最好係一個細孔，容易控制份量 正式開動! Step 1: Hot Cleansing – 3 mins 利用電極原理導出毛孔內的微細污垢 體驗： 先按開關掣，已經自動去左 “Hot Cleansing”模式 將已安裝上化妝品棉的溫熱導頭平緊貼面部肌膚 由面的中央開始向外拉，到腮位時就由下巴向上提拉 鼻就後鼻頭掃落去，唇上位可以 “咪”住個咀向下掃 但要避開眼位 其實冇咩特別技巧，最緊要記住依部機係通過人體運作 所以手心必定要完全掂到背板，同埋溫熱導頭平緊貼面部肌膚 兩者做齊部機先會運作，是但一樣接觸不良就會停 運作時部機會斷斷續續地震動，慢慢會感到導頭暖暖地，好舒服~ 約3分鐘後就會 “嗶”一聲自動off~ 跟住就可以拆除膠圈拎走塊化妝棉 檢查一下有幾污糟~ 有少少黃地同好似塵粒嘅野~~ Step 2：Hot Moisturize - 3 mins 將化妝水的保濕成份滲透肌膚角質層 體驗： 導出完乾淨哂就做導入~ 做完Step 1部機已經自動off左，只要再按開關掣就自動開動依個 模式 用法用Step 1一樣，今次用的化妝水可以用返Step 1果支 連 “杰” 身d的化妝水都得，仲可以就咁倒落溫熱導頭唔洗用化妝棉~ 不過我個人論盡d，都係用返化妝棉吧啦~~ Melvita 橙花精露比一般toner “杰”，補濕度亦比較好~ 經過3分鐘完成step 2，又會自動off~ Step 3：Hot Mask - 3 mins 利用微震動及緩慢的電極轉換加強乳液/面膜效果 體驗： 第3步變化更多~ 可以每日用lotion做，或者每星期1-2次用mask做都得~ 由於我每日用，而且皮膚比較敏感 所以每日都係用抗敏lotion做Step 3~ 將lotion搽全面，可以厚身少少 抹乾溫熱導頭後直接緊貼面部就可以運作! 依個步驟對我嚟講好重要﹗ 通常抗敏用品都會比較厚 依隻算薄同時都比較潤，仍算易吸收 利用Step 3做hot mask吸收得更好﹗ 將lotion直搗肌底補水，用完膚質更柔潤﹗ Step 4: Cool – 2 mins (包括10秒準備時間) 利用冰涼冷卻效果收緊皮膚毛孔 體驗： 用完Step 3自動off後，再開機就跳去Step 4 機身冷卻只須10秒，聽到 嗶聲後就表示佢已經夠凍可以做Step 4~ 反轉機身，用背面個冰肌冷卻導頭由面中心向外印 其實都真係幾凍~~~~ 有D似人地煮雞用冰水過冷河 XD~~ 皮膚會更Q彈~~ 原本D敏感位都退紅了~ 完成4個步驟後，對比一下2塊化妝棉 依日試用時係用cleansing milk洗面，化妝棉亦較厚身 雖然2塊都係緊貼肌膚抹，導入導出真係有分別﹗ 左邊果塊比較黃，睇嚟利用儀器導出真係比只用skincare更乾淨! 有好嘅儀器，保養都好重要! 每日用完後都要抹一抹機身及2面導頭 放於機座徹底風乾~ 同時方便每日使用 第2日搵到屋企仲有一包化妝棉 夠大塊又厚薄適中~ 依種厚度就最合用~ 千祈唔好用 “麗X”，太薄又好易磨爛~~~ 今次仲換埋支toner用Melvita，全套都係防敏，總之屋企有咩就拎來試~ 想做更多護理，Step 3可以唔用Lotion，轉做肌底液 最近收到試用「女人我最大」中獲獎的專櫃肌底液就拎來做Hot Mask~ 又再吸收多D~~~直達肌底層去~加強抗衰老功效 太忙碌的話，都唔洗用哂4個Step~ 盒內附上的簡介卡有個表教你咩時候用咩Mode~ 不同配搭具有不同效用： 快速收緊/消除疲勞 – Cool (2 mins) 快速保濕 – Hot Moisturize (3 mins) 收緊毛孔 – Hot Cleansing + Cool (5 mins) 毛孔及保濕護理 – Hot Cleansing + Hot Mask (6 mins) 每日護理 – Hot Cleansing + Hot Mask + Cool ( 8 mins) 每日用完都有影底化妝棉~~~好有成功感!! 嘗試觀察果日做咩或者去過邊會唔會有分別 發現化妝用粉底果日就會污糟D 用CC Cream就冇咁污糟~ 最近天氣乾燥左，轉左用CC Cream，所以塊棉冇咁黃~ 如果當日留o係屋企果頭亦都會冇咁污糟~ 整體試用感受： 日本製已經非常吸晴﹗ 而且簡單易用，十分欣賞盒內附有的簡介卡~ 唔洗慢慢揭說明書~~~ 最初都擔心部機要開哂壇搞一大輪先用好麻煩，如果買的話一定會懶得用 經過14天試用，每日一整日忙碌工作過後，晚上返去用依部機反而成為最relax嘅時候﹗ Step 1 – 3都係利用溫熱導頭進行，有助促進循環 亦好似幫塊面做Spa咁，暖暖的按全面，消除疲勞 放輕鬆後皮膚吸收力會變得更好﹗ 同試用前比較，皮膚變得更柔嫩，摸落去感到充滿水份 黑頭少左DD，毛孔一向唔算太大，都變得比較細緻! 而且無需配合指定美容產品使用，屋企有咩用開就直接用就OK~ 唔洗再用錢特登買另一套產品，又可以慳錢啦~~ 如果可以用埋眼部就好啦!! 用法配搭多元化，仲可以幫人做 (例如男友/老公) 只要同對方有身體接觸 (即係握手 XD)就OK~ 我都試過幫陳先生用Step 1清潔 (點知佢塊化妝棉乾淨過我!!! 太可惡啦!) 作為一個男士，佢都好喜歡依部機 尤其係溫熱果幾個mode，真係好舒服好relax~ 試過一次後，佢一見我用就牛咁眼望住我，示意我完成自己後就要幫佢整!! 所以~ Hada CRiE Hot&Cool唔單止係清潔保濕好幫手 亦都可以增進情侶/夫婦/母女 etc之間嘅感情呢~~~ 首次家居美容儀初體驗大成功~~~ 謝謝 UBeauty.com.hk及日立有限公司提供產品試用~~ 大家記得留意幾時出啦~ *產品及有關資料由日立有限公司贊助及提供以作廣告用途* 想知更多Hitachi其他美容產品 請到：http://www.hitachi-hk.com.hk/tc/products/index_id_1801.html 我的專頁：https://www.facebook.com/whitericebeauty
