刷牙係每日必做嘅重要事項之一 牙刷同牙膏就係我地最親密嘅朋友~ 每日為我地做好口腔清潔~ 所以”朋友”質素好重要! 平時我都係用普通牙刷 好耐之前都有用過下”特別”牙刷 隱約記得係靜電果種 冇咩料到，亦唔覺有咩特別~ 今次得到she.com邀請試用Oral-B電動牙刷 倒是充滿期待﹗ Oral-B一向係我喜愛嘅牙齒護理品牌~ 更加係我第一次正式使用真正電動牙刷~ 今次試用嘅型號係 Oral-B Prof. Care 1000充電電動牙刷 盒面簡單介紹牙刷功能 而且有2年保修﹗ 好貼心~ 配件包括一支電動牙刷 一個刷頭同埋充電座 首次使用前要先充電17小時 由於充電座係兩腳插頭，要記得用轉換插呀~ 由於係我第一次用依種電動牙刷， 真係有點緊張，所以用前要睇睇說明書~ 刷頭同用普通牙刷一樣都要沾水及用牙膏~ 然後在每一隻牙齒停留幾秒 起碼要刷2分鐘先叫合格~ 依款牙刷仲有計時功能，每30秒就”卡”一聲 每邊牙齒30秒就剛好2分鐘啦~ 刷柄上有盞小紅燈， 太大力就會閃閃下話你知要輕手d 第一次使用， 感覺到佢好震~ 其實都幾大聲~~ 但最緊要就係佢可以迫我乖乖地慢慢刷~ 同埋刷至少2分鐘!! 我平時好懶，求其刷就算了~~ 加上我好鍾意飲coffee同奶茶 其實d牙仔都幾黃呢~~ 第一次用左Oral-b電動牙刷 即時已經覺得比平時更有效清除牙齒上的污積~ 黃色有輕微改善呀!! 每次用完後， 拆開個刷頭沖洗一下後吹乾， 電動牙刷個身就要避免沖水， 用完就放返去充電座 如此這般地使用左個多兩個星期， 25/11出席 “全方位閃亮牙齒工作坊”~ 地點係尖沙咀一間可愛的café~ 放滿x’mas佈置及Oral-b護齒產品 令人十分期待擁有bling bling牙齒呢!! 大會更為每位出席嘅blogger準備精美食物~ 可惜當時我成口飛滋，痛不欲生…. 只可以食三文治同pastry 個pastry超級好味!!! 亦都不忘點返杯coffee~ 放假都要飲，我d牙點可能唔黃~~ 工作坊正式開始~ 先由Oral-b 品牌經理歡迎大家 更特別邀請資深dental hygienist Eunice 為大家介紹Oral-B Prof. Care 1000充電電動牙刷 及示範正確刷牙方法!! 正確使用電動牙刷刷牙係要包住每一隻牙咁去刷 此時我覺得好似返去細個時學刷牙一樣~~ Oral-B Prof. Care 1000充電電動牙刷 靈感來自專業洗牙工具 每分鐘左右轉動8,800次﹗ 兼前後震動40,000次﹗ 唔怪得咁震啦~~~~~~~~ 2星期可以達到自然美白 仲有助改善牙肉健康~ 大會準備左波子盤扮牙齒 俾大家比較普通牙刷同電動牙刷嘅潔淨度! 相比普通牙刷 Oral-b電動牙刷的杯形刷頭更能夠覆蓋牙齒每一面! 左面係電動牙刷 右面係普通牙刷 右邊牙面明顯地仲有好多污積呢! 正當我地以為自己做得好好時 被Eunice發現波子側面唔夠乾淨~~ 仲即刻示範正確手勢~~ 每一面都要刷好~ 然後再教多次大家正確刷牙方法~ 仲要注意最入面大牙的側面 必要時要將牙刷斜斜地刷先得 我以後都會記得啦~~哈哈~~~ 除左用正確手勢使用電動牙刷 仲要配合牙線、嗽口水 亦要記得刷頭每3個月就要更換 必要時可以換有特別function的刷頭 例如我o係小遊戲得到的美白刷頭~~ 最後大會教大家製作bling bling牙仔聖誕卡~ 簡單材料就可以令到隻牙仔滑動~好得意!! 大會仲為每位blogger影低bling bling笑容 貼上卡面~ 用左Oral-B Prof. Care 1000充電電動牙刷2個多星期 的確比普通牙刷更有效清除牙面污垢 亦見到有明顯美白效果~ 最大收獲係少左流牙血~~ 大概係因為牙齦變得更健康~~ 一定要keep住用呢!! 再次多謝Oral-b & she.com~~ 想知更多，請到http://www.oralb.com.hk/ 多謝支持~來like一個吧~ http://www.facebook.com/whitericebeauty
