近來韓國護膚及化妝品牌大受歡迎~ 我就主要用韓國護膚品 化妝品暫時好似只用過bb cream同base 今次試用今年3月新登場嘅touch in SOL 應該算係第一次使用韓國妝物!! "SOL"意指太陽 (應該取自Solar頭3個字母吧~) 萬物皆以太陽為中心 絕對係宇宙中最耀眼嘅焦點~ 品牌希望每位女生都可以好似太陽一樣 能夠發出最美麗的耀眼光茫! 產品有別於一般化妝品 非以color為主，反而善於以光學原理 透過光線折射突顯面部輪廓 去到邊都係主角啦~~ 試用品共有5款產品 1. Feel like Honey Moon Skin Base HK$159/32g 2. Pure Dew Water Drop BB Cream HK$135/35ml 3. Ideal Visual Multi Color Eye Shadow 4. I get some more Volume Mascara 5. Perfect Complexion Lip Tint HK$89 包裝上graffiti 感覺非常年輕又有個性! 更請來大受年輕人追捧嘅韓國人氣組合ZE:A (帝國之子) & 歌手Ailee做代言人! 各位fans應該都會幫襯下啦~~~ 是日出席x'mas活動 就用touch in SOL來做個x'mas妝吧! 個人唔太接受濃妝，太淡又唔夠莊重 試試化個濃淡適中嘅妝啦~ 化妝由base開始!! Step 1: Feel like Honey Moon Skin Base 成份：蜜糖滋潤成分受透明質酸 功效：持久水凝、同時緊緻及提升肌膚彈性 改善暗啞膚色及增加肌膚光澤； 更具修護及煥膚功效， 讓肌膚更容易上妝及持久貼服 望落比較似洗面gel or hair gel!! 質地係"立立"的gel狀 帶點金色閃片 仲有少少honey味! 用法比較特別，要先拍打一輪! 然後拍上面方便吸收! 由於佢真係幾"立"下，份量可以少d 拍完全面後雙手按面， 用熱力令佢更吸收 用完塊面有少少黏性，但可接受的 Step 2: Pure Dew Water Drop BB Cream 成份：高效保濕因子 功效：質地輕盈，營造透薄自然的裸妝效果 瞬間為肌膚注入水分，持久鎖住水分 遮蓋肌膚瑕疵及具有鎮定功效，問題及感敏肌膚亦可安心使用 依個BB Cream有驚喜~ 係我用過咁多款以來質地最水漾嘅一款! 質地非常透薄，十分易推! 全面使用後感到肌膚仍然可以呼吸! 遮瑕度屬輕至中度 都可以令膚色更均勻 當然黑眼圈、瘡瘡都係要用concealer啦~ Step 3: Ideal Visual Multi Color Eye Shadow (浪漫粉紅) 功效：乳霜狀質地，具滋潤效果，持久貼服而不脫落 細滑的閃亮珍珠粉末，令眼妝更立體有神采 無油分粉未，12 小時持久貼服不脫妝 依盒eye shadow非常適合初心者~ 一盒4色已經按眼形排好 而且打開盒子就見到有透明膠片寫好每格嘅使用次序 仲要用咩掃都有埋指示! 幸運地分得"浪漫粉紅" 日常同出席event都適合使用~ 1. 先在眼窩塗上最閃的銀色 2. 眼頭前半part塗粉紅色 3. 眼尾3角位塗紫色 4. 用深紫色畫眼線 1-3格閃亮度非常高 唯獨是棉頭掃太大，用深紫色時要好小心! 唔知係咪d閃粒比較粗定係我重手左 化完後d粉跌哂落眼肚同面..... 要小心控制呢! Step 4: I get some more Volume Mascara - 深黑睫毛液及纖維，令睫毛即時濃密纖長 - 掃頭讓睫毛液完美地分散每根睫毛 - 纖維極多，可重複塗上增加濃密效果而不會纏結 - 24小時防水 - Follicusan™成分保護睫毛 自行畫上眼線後，夾夾睫毛就塗上mascara! 依款個掃頭都幾合眼形 纖維其實都幾多，而且真係冇一舊舊，條條分明! 但個人變態地偏好volume極高的mascara 此款就未能達到我要求~ 一般放假使用其實還可以的~ Step 5: Perfect Complexion Lip Tint 功效：可作胭脂水或唇彩使用 水潤啫喱質地絶不黏膩 24 小時持久不脫色 見到佢係shocking pink都都shocked!! 中女用好似超齡左d 喎~~~ 但估唔到塗左上咀效果又幾自然! 而且十分喜愛佢個質地，非常水嫩呢!! 唔係一般lip gloss咁"立"!! 大風吹都唔怕"痴"住頭髮啦~~~ 仲可以當胭脂水用!! $89好抵!! 5款產品中最推介bb cream同lip tint! 價錢相宜，效果又不錯! 穿上紅卜卜的小外套、白色裙子， 配條簡單的珍珠頸鍊出發去~~~ 再次多謝touch in SOL & ztyle!! 想知更多，請到 Facebook: https://www.facebook.com/pages/Touch-in-SOL-Hong-Kong/432794823429366 Weibo: http://weibo.com/touchinsol 謝謝支持~來like一個吧~ http://www.facebook.com/whitericebeauty
